នៅថ្ងៃទី២១ខែមករា អភិបាលក្រុមមូស្គូ លោក Sergei Sobyanin បានប្រកាសកាត់បន្ថយច្បាប់រឹតត្បិត ក្នុងទីក្រុងមូស្គូ ទប់ស្កាត់ការឆ្លងរាលដាលកូវីដ-១៩។
តាមច្បាប់ថ្មី ចាប់ពីថ្ងៃ២២ខែមករាទីក្រុងមូស្គូ នឹងបើកទ្វារ សារៈមន្ទីរ បណ្ណាល័យ ។ ចំណែករោងភាពយន្ត ក្លិបកម្សាន្ត បានអនុញ្ញាតឲ្យ មានមនុស្សចូលច្រើនជាងមុន ។ ជាមួយគ្នានេះដែរសាលារៀន ក្លិបហាត់ប្រាណ ក្លិបកុមារ ទទួលបានការអនុញ្ញាតឲ្យដំណើរការឡើងវិញ។
ប៉ុន្តែចំណែក តៀមស្រា បារ ភោជនីយដ្ឋាន ត្រូវបិទទ្វារនៅម៉ោង២៣ ដូចដើមដដែល។ បណ្តាលក្រុមហ៊ុន នឹងធនាគារ មានបុគ្គលិក ៣០ភាគរយធ្វើការនៅក្នុងផ្ទះ។ មនុស្សចាស់និងមនុស្សមានជំងឺប្រចាំកាយ ត្រូវស្នាក់នៅក្នុងផ្ទះ។
តាមការប្រកាសលើបណ្តាញសង្គមអភិបាលក្រុងមូស្គូ បានបញ្ចាក់ថា បច្ចុប្បន្នការឆ្លងរាលដាលកូវីដ-១៩ បានថយចុះយ៉ាងខ្លាំងជារឿងដ៏ល្អបំផុត អនុញ្ញាតឲ្យពលរដ្ឋមានសេរីភាពជាងមុន។
ក្នុងរយៈពេល១សប្តាហ៍កន្លងមក ទីក្រុង មូស្គូមានអ្នកឆ្លងជាមធ្យម ប្រមាណ ២.០០០នាក់ប៉ុណ្ណោះ គឺថយចុះយ៉ាងខ្លាំង បើប្រៀបធៀបនិងខែធ្នូឆ្នាំ២០២០។ អភិបាលក្រុងមូស្គូ បានឲ្យដឹងថា នៅទីក្រុងមូស្គូ មានពលរដ្ឋ ជាង២២០ពាន់នាក់ បានចាក់វ៉ាក់សាំងរួចរាល់ក្នុងចំណោមពលរដ្ឋ១២លាននាក់ក្នុងទីក្រុងមូស្គូ ។ គិតដល់បច្ចុប្បន្នមានពលរដ្ឋរុស្ស៊ី ជាង១លាននាក់ បានចាក់វ៉ាក់សាំងរួចរាល់ ៕
ដោយ៖ធី រីណា(រូបភាព៖THX/TTXVN)
