ខេត្តស្វាយរៀង៖ យ៉ាងហោចណាស់មនុស្សប្រុស៤នាក់រងរបួសធ្ងន់ទាំងសងខាងដោយសារករណីគ្រោះថ្នាក់ចរាចណ៍ដ៏រន្ធត់រវាងម៉ូតូនិងម៉ូតូនៅផ្លូវបំបែកជា៤ ស្ថិតក្នុងភូមិស្រះរង្ស សង្កាត់-ក្រុងស្វាយរៀង។

បើតាមសាក្សីបានអោយដឹងថា មុនពេលកើតហេតុមានបុរសពីនាក់មិនស្គាក់ឈ្មោះបានជិះម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅពាក់ស្លាកលេខកណ្ដាល1G-3105 ដោយធ្វើដំណើរពីត្បូងមកជើងស្របពេលនោះស្រាប់តែមានម៉ូតូមួយគ្រឿងទៀតហុងដា អ៊ែរប្លេដ ពណ៌ខ្មៅលាយទឹកមាស ជិះគ្នា២នាក់ដែរតែមិនស្គាល់ឈ្មោះសង្ស័យស្រវឹងស្រាលុះបើកមកដល់ផ្លូវបំបែកជា៤ក្បែស្នងការដ្ឋាននគរបាលខេត្តស្វាយរៀងក៏បុកគ្នាយ៉ាងពេញទំហឹងបណ្ដាលអោយអ្នកទាំង៤ខ្ទាតពាសពេញផ្លូវសន្លប់ស្ដូកស្ដឹងតែម្ដងទៅ។

ក្រោយកើតហេតុប្រជាពលរដ្ឋក៏បានរាយការណ៏មកសមត្ថកិច្ចយកជនរងគ្រោះមកកាន់មន្ទីរពេទ្យបង្អែកខេត្តស្វាយរៀង រីឯម៉ូតូទាំង២គ្រឿងសមត្ថកិច្ចធ្វើការវាស់វែង និងអូសមកកាន់ការិយាល័យនគរបាលចរាចរណ៌ខេត្តស្វាយរៀងចាត់ការបន្តតាមច្បាប់៕

ដោយ៖ យឹម សុថាន