ភ្នំពេញ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាព័ទ្ធដេញចាប់បានវាយទ្រោមខ្លួនទើបប្រគល់អោយសមត្ថកិច្ចបន្ទាប់ពីជនសង្ស័យម្នាក់នោះធ្វើសកម្មភាពលួចទូរស័ព្ទមួយគ្រឿងបានសម្រេច កាលពីវេលាម៉ោង៤រសៀល ថ្ងៃទី២៥ ខែកុម្ភៈ ឆ្នាំ២០១៦នៅជិតនិងកងពលតូចលេខ៩១ ស្ថិតក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។
ជនសង្ស័យឈ្មោះពេជ្យ ពីឡុត ភេទប្រុស អាយុ២០ មុខរបមុនពិតប្រាកដ ស្នាក់នៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ។ មានស្រុកកំណើតភូមិ ផ្សារដែក ឃុំផ្សារដែក ស្រុកពញ្ញាឭ ខេត្តស្វាយរៀង។ ជនរងគ្រោះមានឈ្មោះវង វណ្ណា ភេទប្រុស អាយុ៤០ឆ្នាំ មុខរបលកដូរស្នាក់កន្លែងកើតហេតុ។
តាមសម្តីជនងគ្រោះបានអោយដឹងថា នៅមុនពេលកើតរូបគាត់បានទុុកទូរស័ព្ទម៉ាកអាហ្វូន នៅក្នុងកំប៉ុងលុយនៅបន្ទប់ហើយបានចេញមកក្រៅដើម្បីតខ្សែរភ្លើងខណៈតរួចក៏បានដើរមកបន្ទប់វិញ ភ្លាមៗនោះស្រាប់តែឃើញជនសង្ស័យខាងលើរត់ចេញពីបន្ទប់ទើបរួបគាត់ស្រែកថាចោរៗបង្កអោយមានការភ្ញាក់ផ្អើលដល់ប្រជាពលរដ្ឋនាំគ្នាដេញចាប់។ ហើយជនសង្ស័យក៏បានផ្លោះរបងចូលទៅក្នុងកងពល់តូចលេខ៩១ ទើបកម្លាំងកងពលតូចដែលនៅខាងក្នុងចាប់បាននាំខ្លួនយកមកក្រៅវិញត្រូវប្រជាពលរដ្ឋវាយទ្រោមខ្លួនទើបប្រគល់អោយសមត្ថកិច្ចបន្ត។
ក្រោយពេលកើតជនសង្ស័យត្រូវបាននគរបាលប៉ុស្តិ៍ចោមចៅនាំខ្លួនយកមកធ្វើការសាកសួរ និងកសាងសំណុះរឿងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យដើម្បីដោះស្រាយបន្ត។
...
ដោយ៖ សុខាសែនជ័យ
