បរទេស: នៅថ្ងៃដែល ប្រទេសអាហ្វ្រិកខាងត្បូងប្រកាសទទួលបានវ៉ាក់សាំងចំនួន១លានដូសពី ប្រទេសឥណ្ឌា ចិនក៏បានប្រកាសផ្តល់ជំនួយដល់ប្រទេសផ្សេងទៀតក្នុងនោះមានប៉ាគីស្ថានជាដើម ។
ប្រទេសអាហ្វ្រិកខាងត្បូង ទើបតែទទួលបានវ៉ាក់សាំងប្រឆាំងកូវីដ-១៩Covishield ចំនួន១លានដូសផលិតដោយមមជ្ឈមណ្ឌលSerum របស់ឥណ្ឌា។ ការផ្តល់ជំនួយវ៉ាក់សាំងខាងលើរបស់ឥណ្ឌា គឺជាយុទ្ធសាស្ត្រនយោបាយការបរទេស វ៉ាក់សាំង ដើម្បីបង្កើនទំនាក់ទំនង និងឥទ្ធិពលនៅលើឆាកអន្តរជាតិ។ សកម្មភាពរបស់ឥណ្ឌា គឺជាការប្រកួតប្រជែងជាមួយចិន ក្នុងវិស័យការទូតវ៉ាក់សាំង។
ប្រធានាធិបតីអាហ្វ្រិកខាងត្បូង លោកCyril Ramaphosa បានលើកឡើងថា វ៉ាក់សាំងប្រឆាំងកូវីដ ១៩របស់ឥណ្ឌា នឹងជួយដល់ប្រទេសទេសនេះអាចយកឈ្នះទៅលើកូវីដ-១៩ ដើម្បីដំណើរការសេដ្ឋកិច្ចជាតិឡើងវិញ។
ក្រៅពីឥណ្ឌាប្រទេសអាហ្វ្រិកខាងត្បូង កំពុងតែព្យាយាមស្នើសុំវ៉ាក់សាំង១២លានដូស ពី Covax ជាស្ថាប័នរបស់អង្គការសុខភាពពិភពលោក ។ តាមគម្រោង ប្រទេសអាហ្វ្រិកខាងត្បូងនិឹងទទួលបានវ៉ាក់សាំងចំនួន២លានដូសពី Covax នៅមុនខែមីនាឆ្នាំ២០២១។
ចិនគឺជាប្រទេសដែលបានផ្តល់ជំនួយវ៉ាក់សាំងច្រើនជាងគេបំផុត បើទោះបីវ៉ាក់សាំងរបស់ចិនមានប្រសិទ្ធភាពជាង៥០%ក៏ដោយ។ ប៉ុន្តែប្រទេសជាច្រើន ចង់បានជំនួយវ៉ាក់សាំងពីចិនដើម្បីទប់ស្កាត់ការឆ្លងកូវីដ-១៩។
សម្រាប់ប្រទេសក្នុងទ្វីបអាហ្រិក ចិនបានផ្តល់ជំនួយវ៉ាក់សាំងដល់ប្រទេស Zimbabwe, Sierra Leone និងGuinea ។ អ្នកនាំពាក្យក្រសួងការបរទេសចិនបានឲ្យដឹងថា មកទល់ពេលនេះចិនបានផ្តល់ជំនួយវ៉ាក់សាំងដល់៣៩ ប្រទេសជុំវិញពិភពលោក៕
ដោយ សាធី
