ខេត្តត្បូងឃ្មុំ ៖ បុរសវ័យ៤៣ឆ្នាំម្នាក់ ត្រូវបានអ្នកភូមិឃេីញកចងភ្ជាប់ជាមួយខ្សែ នីឡុងពណ៌ខ្មៅទៅនឹងមែកនៃដេីមស្វាយមួយដេីមក្បែរផ្ទះរបស់ខ្លួន ក្នុង សភាពដង្ហេីមមិនដក ហេីយនៅទីនោះ បន្សល់លិខិតមួយច្បាប់សរសេរថា ប៉ាលាហើយកូនទាំងពីរ នៅអោយបានសុខចុះ ព្រោះប៉ាមិនល្អ ប៉ាអាក្រក់ណាស់កូនស្រី ។
អ្នកភូមិប្រទះឃើញជនរងគ្រោះនៅវេលាម៉ោង០៩:៤០នាទី ថ្ងៃទី២១ ខែមីនា ឆ្នាំ២០២១ ត្រង់ចំណុចដើមស្វាយក្រោយផ្ទះជនរងគ្រោះ ស្ថិតនៅភូមិជីរោទ៍លើ ឃុំជីរោទ៍ទី១ ស្រុកត្បូងឃ្មុំ ខេត្តត្បូងឃ្មុំ ។
អ្នកភូមិថា សពជនរងគ្រោះឈ្មោះ រស់ វិនាត អាយុ៤៣ឆ្នាំ ជាតិខ្មែរ មានទីលំនៅភូមិ ឃុំ កើតហេតុខាងលើ ។
កម្លាំងសមត្ថកិច្ចដែលបានចូលរួមធ្វេីកោសល្យវិច័យដូចជា ជំនាញនគរបាលស្រុកត្បូងឃ្មុំ និងកម្លាំងប៉ុស្តិ៍នគរបាលរដ្ឋបាលជីរោទ៍ទី១ គ្រូពេទ្យមណ្ឌលសុខ ភាពជីរោទ៍ទី១ និងអាជ្ញាធរមូលដ្ឋានភូមិឃុំ បានសន្និដ្ឋានរួមគ្នាថា ជនរងគ្រោះពិតជាស្លាប់ដោយការធ្វេីអត្តឃាតចងក ពិតប្រាកដមែន ពុំមានពាក់ព័ន្ធនឹងបទល្មើសព្រហ្មទណ្ឌឡើយ ។ សពប្រគល់ជូនគ្រួសារសាច់ញាតិ យកទៅធ្វើបុណ្យតាមប្រពៃណី ។
តាមការពិនិត្យនិងអានអត្ថន័យក្នុងសំបុត្រគេអាចអះអាងថា ជនរងគ្រោះអាច មានវិបត្តិក្នុងគ្រួសារដោះស្រាយមិនចេញទេីបលួចសម្រេចចិត្តធ្វេីអត្តឃាត ចងកបែបនេះ ៕
វណ្ណៈ
