ស្រុកព្រៃនប់, បុរសម្នាក់ភាគីខាងម៉ូតូ បានស្លាប់ៗនៅកន្លែងកើតហេតុ ដោយសារគ្រោះថ្នាក់ចរាចរណ៍ នៅវេលាម៉ោង៦ល្ងាចថ្ងៃទី២៤មីនាឆ្នាំ២០២១ លើផ្លូវជាតិលេខ៤ ចន្លោះ គីឡូម៉ែត្រ១៧១-១៧២ ស្ថិតក្នុង ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។

សមត្ថកិច្ចឲ្យដឹងថា, គ្រោះថ្នាក់ចរាចរណ៍នេះ កើតឡើង រវាងម៉ូតូHONDA DREAM 125 ផ្លាកលេខ កោះកុង 1B-9825 ពណ៌ខ្មៅ (ទិសដៅ ព្រះសីហនុ-ភ្នំពេញ) អ្នកបើកបរឈ្មោះ ឆា រដ្ឋា ភេទប្រុស អាយុ ៣៤ឆ្នាំ ទីលំនៅបច្ចុប្បន្ន ភូមិសំរុងក្រោម ឃុំសំរុង ស្រុកព្រៃនប់ ខេត្ត ព្រះសីហនុ បណ្តាលអោយ (ស្លាប់ ) និង រថយន្ត ម៉ាកHYUNDAI ដឹកទូរកុងតឺន័រ ពាក់ស្លាកលេខ ភ្នំពេញ 3B-4161 (ទិសដៅស្របគ្នា) ។ ក្រោយកើតហេតុ អ្នកបើកបររថយន្តបានចុះរត់គេច(មិនទាន់ស្គាល់ឈ្មោះ ) ។
ករណីនេះ កម្លាំងអធិការដ្ឋាននគរបាលស្រុកព្រៃនប់ បានដោះស្រាយបន្តតាមនិតិវិធីនៅពេលក្រោយ។
សូមបញ្ជាក់ថា, លើកំណាត់ផ្លូវជាតិលេខ៤ ម្តុំមូលដ្ឋានស្រុកព្រៃនប់ ខេត្តព្រះសីហនុ តែងបង្កអោយមានករណីគ្រោះចរាចរណ៍ជាញឹកញាប់ គួរអ្នកបើកបរមានការប្រុងប្រយ័ត្នខ្ពស់់ផង៕

ដោយ, សិលា

ដោយ, សិលា