ភ្នំពេញ៖ សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ដ្រី ព្រះរាជាណាចក្រកម្ពុជាបានមាន ប្រសាសន៍ដាស់តឿនដល់ស្ថានីយទូរ ទស្សន៍ទាំងឡាយសូមយកទម្រង់ដែល ទិវាវប្បធម៌ជាតិ និងមហោស្រពសិល្បៈ យុវជនទូទាំងប្រទេសដែលបាននិងកំពុង ធ្វើនេះរៀបចំផ្សព្វផ្សាយនៅពេលម៉ោង ដែលក្រសួងព័ត៌មានបានកំណត់ឱ្យ ផ្សាយ ។ ក្នុងនោះមិនតម្រូវតែភាព យន្ដមួយមុខនោះទេ គឺមានបញ្ហាទាក់ទិន ជាមួយរបាំ ល្ខោនបាសាក់ កម្រងយីកេ… យកទៅផ្សាយ ហើយសហការជាមួយ ក្រុមសិល្បៈដើម្បីឱ្យបានផលប្រយោជន៍ ទាំងសងខាង ។
សម្ដេចតេជោបានដាស់តឿនបែប នេះកាលពីព្រឹកថ្ងៃទី៣ ខែវិច្ឆិកា ឆ្នាំ ២០១៦ នៅសាលសន្និសីទចតុម្មុខ ក្នុង ឱកាសអញ្ជើញជាអធិបតីដ៏ខ្ពង់ខ្ពស់ក្នុង ទិវាវប្បធម៌ជាតិ៣មីនាលើកទី១៨ និង ពិធីបិទមហោស្រពសិល្បៈយុវជនទូទាំង ប្រទេសក្នុងគោលបំណងរំលឹកដល់គុណូ បការៈដល់បុព្វបុរសយើងដែលបាន បន្សល់ទុកមរតកវប្បធម៌ដ៏សម្បូរបែប សម្រាប់យើងគ្រប់គ្នាជាកូនចៅជំនាន់ ក្រោយ ។
ជាមួយគ្នានេះសម្ដេចតេជោបាន អំពាវនាវចំពោះពាណិជ្ជករទាំងឡាយ បើមានផលិតផលផ្សាយពាណិជ្ជកម្ម សូមមេត្ដាចូលរួមផ្សាយពាណិជ្ជកម្មក្នុង កម្មវិធីម៉ោងដែលទូរទស្សន៍ចាក់់ផ្សាយ សិល្បៈខ្មែរ ទាំងភាពយន្ដ ទាំងចម្រៀងក្ដី ទាំងទម្រង់សិល្បៈនានាក្ដី សូមគាំទ្រ ។ សម្ដេចបានអំពាវនាវដល់អ្នកដែលមាន ធនធានទាំងឡាយសូមគាំទ្រដល់វិស័យ សិល្បៈខ្មែរ ហើយក៏សូមគាំទ្រទៅដល់ សកម្មភាពកីឡារបស់កម្ពុជាផង ។
សម្ដេចតេជោមានប្រសាសន៍បញ្ជាក់ ថា ព្រឹត្ដិការណ៍ទិវាវប្បធម៌ជាតិនេះ ពិតជាបានចូលរួមចំណែកបំផុសមនសិ ការស្នេហាជាតិ ស្មារតីស្រលាញ់សម្បត្ដិ វប្បធម៌ដល់ប្រជាជតិខ្មែរពីគ្រប់មជ្ឈ ដ្ឋានទាំងក្នុង និងក្រៅប្រទេសសំដៅផ្សព្វ ផ្សាយ និងអប់រំអំពីវប្បធម៌ និងសីល ធម៌ដ៏ល្អផូរផង់របស់ជាតិ អំពីផលិតផល វប្បធម៌ខ្មែរដ៏សម្បូរបែប និងឱ្យចេះរួប រួមគ្នាជាធ្លុងមួយប្រកបដោយឆន្ទៈ ម្ចាស់ ការ មនសិកាស្នេហាជាតិ ចេះថែរក្សា ការពារ និងបណ្ដុះគំនិតលើកតម្កើង កេរដំណែលវប្បធម៌ជាតិទាំងរូបី និង អរូបីឱ្យបានស្ថិរស្ថេរគង់វង្ស ។
ការប្រារឰទិវានេះនឹងជំរុញលើកទឹក ចិត្ដដល់ក្រសួង ស្ថាប័ន វិស័យឯកជន អង្គការសង្គមស៊ីវិល បងប្អូនជនរួមជាតិ ផ្សព្វផ្សាយ និងបញ្ជ្រាបការយល់ដឹងអំពី ឥរិយាបថ សីលធម៌ផូរផង់ និងអំពី បេតិកភណ្ឌវប្បធម៌ជាតិដ៏សម្បូរបែប នេះដែលបានកើតចេញពីបញ្ញាញាណ របស់ខ្មែរ និងជាដួងព្រលឹងរបស់ជាតិ យើងជូនដល់ប្រជាជន មហាជន និង ប្រជាជាតិនានានៅលើពិភពលោកឱ្យ បានស្គាល់យល់ជ្រួតជ្រាប ។
សម្ដេចតេជោមានប្រសាសន៍ថា ការពិតរាជរដ្ឋាភិបាលតែងតែបានគាំទ្រ និងបានផ្ដល់អាទិភាពខ្ពស់ដោយចាត់ទុក ថា វប្បធម៌ខ្មែរគឺជាព្រលឹងជាតិ និងជា អត្ដសញ្ញាណខ្មែរ ដែលមានតម្លៃមហា សាលពុំអាចកាត់ថ្លៃបាន ព្រមទាំងជា មូលដ្ឋានគ្រឹះផ្សារភ្ជាប់ទំនាក់ទំនងដ៏រឹង មាំពីសង្គមមួយទៅសង្គមមួយ ពីក្រុម មួយទៅក្រុមមួយពីបុគ្គលម្នាក់ទៅបុគ្គលម្នាក់ឱ្យចេះរួមរស់ជាមួយគ្នាប្រកប ដោយភាពសុខដុមរមនាដោយគ្មានការរើសអើង ។
កម្ពុជាគឺជាទឹកដីដែលសម្បូរទៅ ដោយសម្បត្ដិបេតិកភណ្ឌវប្បធម៌ទាំង រូបី និងអរូបីដូចជារមណីយដ្ឋានបុរាណ ទីក្រុងបុរាណ ប្រាង្គប្រាសាទ របាំ ល្ខោន តន្ដ្រី សិល្បៈ សូនរូប សិប្បកម្ម ម្ហូប អាហារ ប្រពៃណី ទំនៀមទម្លាប់ជាដើម ដែលបុព្វបុរសដូនតាយើងបានបន្សល់ ទុកមក ។
តាមរយៈកិច្ចខិតខំប្រឹងប្រែងជាប់ មិនដាច់របស់រាជរដ្ឋាភិបាល បច្ចុប្បន្ន សម្បត្ដិបេតិកភណ្ឌវប្បធម៌ជាតិទាំងនេះ បានរួមចំណែកធ្វើឱ្យកេរ្ដិ៍ឈ្មោះកម្ពុជា ល្បីរន្ទឺសុសសាយនៅទូទាំងពិភពលោក ស័ក្ដិសមជា “កម្ពុជាព្រះរាជាណាចក្រ នៃវប្បធម៌” ហើយកម្ពុជាជាតួអង្គមួយ លេចធ្លោនៅលើវេទិកាបេតិកភណ្ឌពិភព លោកថែមទៀតផង ។ ជាក់ស្ដែងសម្បត្ដិ បេតិកភណ្ឌវប្បធម៌ទាំងរូបីនិងអរូបីនៃ មនុស្សជាតិយើងមួយចំនួនត្រូវបាន ពិភពលោកទទួលស្គាល់ និងដាក់បញ្ចូល ជាបេតិកភណ្ឌពិភពលោក និងបេតិក ភណ្ឌវប្បធម៌អរូបីនៃមនុស្សជាតិដូច ជាប្រាសាទតំបន់អង្គរ ប្រាសាទព្រះវិហារ របាំព្រះរាជទ្រព្យ និងល្ខោនស្រមោល ស្បែកធំជាដើម ។ ជាងនេះទៅទៀតកាល ពីខែធ្នូ ឆ្នាំ២០១៥ ល្បែងទាញព្រ័ត្រត្រូវ បានចុះបញ្ជីបេតិកភណ្ឌវប្បធម៌អរូបី នៃមនុស្សជាតិផងដែរ ។ ទន្ទឹមនឹងនេះ រាជរដ្ឋាភិបាលក៏បាននិងកំពុងរៀបចំ ឯកសារដើម្បីស្នើសុំដាក់បញ្ចូលសម្បត្ដិ បេតិកភណ្ឌវប្បធម៌ជាតិមួយចំនួនទៀត ក្នុងបញ្ជីបេតិកភណ្ឌពិភពលោក ឬបញ្ជី បេតិកភណ្ឌវប្បធម៌អរូបីនៃមនុស្សជាតិ ដូចជាប្រាសាទសម្បូរព្រៃគុក និងចាប៉ី ដងវែងជាដើម ។
សម្ដេចតេជោមានប្រសាសន៍ទៀត ថា សម្បត្ដិបេតិកភណ្ឌវប្បធម៌ទាំងអស់ នេះបាននិងកំពុងក្លាយទៅជាចលនា ប្រកបដោយប្រសិទ្ធភាពក្នុងការរួម ចំណែកអភិវឌ្ឍន៍សង្គម សេដ្ឋកិច្ច និង កាត់បន្ថយភាពក្រីក្ររបស់ប្រជាជន។ ក្នុងនោះទេសចរណ៍បេតិកភណ្ឌនិងវប្ប ធម៌បច្ចុប្បន្នកំពុងមានសន្ទុះយ៉ាងខ្លាំង ដោយបាននាំមកនូវចំណូលរាប់លាន ដុល្លារនៅក្នុងចរន្ដសេដ្ឋកិច្ចជាតិ, វិស័យ ទេសចរណ៍នៅកម្ពុជាទាំងមូលបានក្លាយទៅជាក្បាលម៉ាស៊ីនមួយនៃកំណើនសេដ្ឋកិច្ចដោយបានរួមចំណែករហូតដល់ ប្រមាណ១៧ភាគរយនៃGDP និងបាន បង្កើតការងារជូនដល់ប្រជាពលរដ្ឋដោយផ្ទាល់និងដោយប្រយោលរាប់ម៉ឺននាក់ ខណៈដែលមានភ្ញៀវទេសចរបរទេស ប្រមាណ៤,៧លាននាក់ចូលមកទស្សនា នៅកម្ពុជាហើយចំនួនភ្ញៀវនឹងកើនឡើងថែមទៀតក្នុងឆ្នាំបន្ទាប់ ។
លទ្ធផលដែលទទួលបានមានអត្ថន័យមិនត្រឹមតែជាការផ្ដល់នូវរង្វាន់ជូនដល់ជ័យលាភីប៉ុណ្ណោះទេ ប៉ុន្ដែថែមទាំងជា ការបង្ហាញនូវការខិតខំលើកស្ទួយប្រមែ ប្រមូលពូនផ្ដុំការអភិរក្សនិងបង្កើតស្នា ដៃថ្មីៗនៃទម្រង់សិល្បៈ របាំ និងល្ខោន ថែមទៀតផង ។
និយាយរួមត្រូវប្រែក្លាយស្នាដៃរបស់យើងឱ្យក្លាយទៅជាផលិតផលវប្បធម៌ មួយបំពេញតាមចំណង់ចំណូលចិត្ដនិង ពេញនិយមរបស់មហាជន, យុវជន យុវ នារីនៃយុគសម័យថ្មីនេះនិងឆ្លើយតបទៅនឹងការជំរុញលើការប្រើប្រាស់ផលិត ផលវប្បធម៌ក្នុងស្រុក និងរួមចំណែក កាត់បន្ថយការប្រើប្រាស់ផលិតផល វប្បធម៌បរទេស ។
លោកស្រី ភឿង សកុណា រដ្ឋមន្ដ្រី ក្រសួងវប្បធម៌ និងវិចិត្រសិល្បៈ និងជា ប្រធានគណៈកម្មការរៀបចំប្រារឰទិវា វប្បធម៌ជាតិ៣មីនាលើកទី១៨ បានមាន ប្រសាសន៍ថា ប្រធានបទ“យុវជនដើម្បី វប្បធម៌ជាតិ”ធ្វើជារបៀបវារៈនៃការ ប្រារឰទិវាវប្បធម៌ជាតិ៣មីនាលើកទី ១៨ ឆ្នាំ២០១៦ ក្រសួងវប្បធម៌ និង វិចិត្រសិល្បៈបានយកប្រធានបទនេះ សម្រាប់រៀបចំមហោស្រពសិល្បៈយុវ ជនទូទាំងប្រទេសក្នុងគោលបំណងជំរុញឱ្យយុវជនដែលជាទំញំងស្នងឫស្សីបាន ចូលរួមដោយផ្ទាល់ឱ្យមានការអភិរក្ស និងអភិវឌ្ឍន៍បេតិកភណ្ឌវប្បធម៌ជាតិ កាន់តែមានភាពប្រសើរឡើងចំគោល ដៅកម្ពុជាព្រះរាជាណាចក្រវប្បធម៌និង ដើម្បីប្រមូលផ្ដុំយុវជនខ្មែរជាសិស្សថ្នាក់មធ្យមសិក្សានិស្សិតថ្នាក់ឧត្ដមសិក្សា ទូទាំងប្រទេសឱ្យទទួលបានការហ្វឹកហ្វឺន អំពីការសម្ដែងសិល្បៈនិងបន្ដការយល់ ដឹងអំពីតម្លៃនៃវប្បធម៌ជាតិយើង ។ ជា មួយនោះក៏ធ្វើឱ្យយុវជនមានលទ្ធភាព គ្រប់គ្រាន់ចូលរួមអភិរក្សនិងអភិវឌ្ឍន៍ វប្បធម៌ក្នុងសម័យសកលភាវូបនីយ កម្មដែលពិតជាមានសារសំខាន់ណាស់ ព្រោះយុវជនជាទំញំងស្នងឫស្សីនិងជា អ្នកបន្ដវេនថែរក្សានិងអភិវឌ្ឍន៍វប្បធម៌ជាតិឱ្យមានភាពសុក្រឹតពេញលេញនិងរីកចម្រើនចំពោះលំហូរឥតឈប់ឈរនៃ វប្បធម៌បរទេស ។
លោកស្រីរដ្ឋមន្ដ្រីមានប្រសាសន៍ថា ឆ្លើយតបទៅនឹងគោលនយោបាយជាតិ វិស័យវប្បធម៌ និងកម្មវិធីនយោបាយ យុទ្ធសាស្ដ្រចតុកោណដំណាក់កាលទី៣ របស់រាជរដ្ឋាភិបាលអាណត្ដិទី៥ ក្នុងការ បង្កើនការអប់រំ និងកុមារឱ្យមានការ យល់ដឹងពីតម្លៃនៃវិសេសវិសាលអំពី វប្បធម៌ និងប្រពៃណី ទំនៀមទម្លាប់ជាតិ ឱ្យពួកគេជួយថែរក្សាលើកតម្កើងអភិ វឌ្ឍន៍វប្បធម៌ជាតិ ព្រមទាំងកាយបន្ថយ ឥទ្ធិពលវប្បធម៌អវិជ្ជមានពីបរទេស ។
បង្កើនផលិតផលឱ្យកាន់តែសំបូរបែប ដើម្បីរួមចំណែកអភិវឌ្ឍន៍សេដ្ឋកិច្ចជាតិ កាត់បន្ថយភាពក្រីក្រ ព្រមទាំងកែលំអ ជី*វភាពរបស់ប្រជាជន ស្របតាមពាក្យ ស្លោក “វប្បធម៌ជាសេដ្ឋកិច្ច” ស្របទៅ នឹងប្រទេសនានានៅលើពិភពលោកកំពុង អនុវត្ដនយោបាយសាកលភាវូបនីយកម្ម ដោយឡែកប្រទេសនៅក្នុងសហគមន៍ អាស៊ានដែលកំពុងអនុវត្ដសមាហរណកម្ម លើគ្រប់វិស័យ ជាពិសេសវិស័យវប្បធម៌ សម្រាប់សេដ្ឋកិច្ច សង្គមរៀងៗខ្លួននោះ ការហូរចូលនៃវប្បធម៌បរទេសចូលមក ក្នុងប្រទេសគឺជារឿងមួយដែលមិនអាច មើលរំលងឡើយ ។
លោកស្រីរដ្ឋមន្ដ្រីបញ្ជាក់ថា ប្រជា ជាតិនិងប្រជាជនយើងគ្រប់រូបចាំបាច់ត្រូវ តែថែរក្សា ការពារសិល្បៈ វប្បធម៌របស់ ខ្លួន ដោយឈរលើមូលដ្ឋាននៃការអភិរក្ស ដើម្បីអភិវឌ្ឍន៍ និងផ្សព្វផ្សាយឱ្យបាន ទូលំទូលាយ ទាំងក្នុងនិងក្រៅប្រទេស បំផុសឱ្យសាធារណជនយល់ដឹងជ្រួតជ្រាប កាន់តែទូលំទូលាយ និងចូលរួមកាន់តែ សកម្មថែមទៀត ក្នុងការថែរក្សាការពារ និងលើកស្ទួយវប្បធម៌ជាតិ ៕
https://www.facebook.com/hunsencambodia/videos/964963106885520/?permPage=1
ដោយ៖ ហេង សូរិយា
