ភ្នំពេញ៖ ហេតុការណ៍មួយបង្កអោយមានការភ្ញាក់ផ្អើលដល់សមត្ថកិច្ចខណៈប្រទះឃើញបុរសម្នាក់ធ្វើអត្តឃាតខ្លួនឯងដោយយកខ្សែភ្លើងចង.ក.ជាប់ធ្នឹមសំយ៉ាបផ្ទះ។
ហេតុការណ៍នេះបានកើតឡើងកាលពីវេលាម៉ោង៨ និង៣០នាទីយប់ថ្ងៃទី៣ ខែមីនា ឆ្នាំ២០១៦ នៅចំណុចផ្ទះលក់អេតចាយមួយកន្លែង ភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ។
ជនរងគ្រោះត្រូវបានគេស្គាល់ឈ្មោះឌី ភេទប្រុស អាយុប្រហែល៦០ឆ្នាំ មុខរបមិនពិតប្រាកដ។
តាមសាក្សីពីប្រជាពលរដ្ឋដែលនៅក្បែរបានអោយដឹងថា នៅមុនពេលកើតហេតុជនរងគ្រោះបានសុំលុយម្ចាស់ផ្ទះចំនួន២០០០រៀល ដើម្បីទៅទិញធូបនិងទាន បន្ទាប់មកក៏សុំបាយមួយចាននិងបៀរមួយកំប៉ុងខណៈហូបបាយរួចបានស្រែកប្រាប់អ្នកជិតខាងថាខ្លួននិងចង.ក ស្លាប់ខ្លួនហើយតែមិនមានអ្នកណាចាប់អារម្មនោះទេ។ លុះរហូតមកដល់វេលាម៉ោងកើតហេតុស្រាប់ប្រទះឃើញចង.ក សម្លាប់ខ្លួនបាត់ទៅហើយដោយយកខ្សែភ្លើងចងជាប់និងសយ៉ាបដែលគេតចេញទៅខាងក្រោយផ្ទះ ទើបបង្កអោយមានការភ្ញាក់ផ្អើលដល់ប្រជាពលរដ្ឋដែលនៅក្បែររាយការណ៍ទៅសមត្ថកិច្ចចុះមកអត្តរាគមន៍។
តាមសម្តីម្ចាស់ផ្ទះបានអោយដឹងថាជនរងគ្រោះធ្លាប់មកធ្វើជាកម្មករជាយូរមកហើយ ។ ហើយមួយរយៈក្រោយមកមិនដែលមកទេទើបមកជួយធ្វើការបានចំនួន២ថ្ងៃប៉ុណ្ណោះលុះមកដល់ថ្ងៃកើតហេតុក៏ចង.កសម្លាប់ខ្លួនតែម្តងដោយមិនដឹងមូលហេតុ។
ក្រោយពេលកើតហេតុសមត្ថកិច្ចជំនាញបានចុះធ្វើកុសល្យវិច័្ចយថាពិតជាស្លាប់ដោយចង.កពិតប្រាកដមែន ទើបប្រគល់សពអោយបងប្អូនយកទៅធ្វើបុណ្យនៅវត្តជម្ពូវ័នតាមប្រពៃណី៕
...
ដោយ៖ សុខាសែនជ័យ
