ភ្នំពេញ៖ លោក សុខ សម្បត្តិ អភិបាល នៃគណៈអភិបាលខណ្ឌព្រែកព្នៅ បានដឹកនាំមន្ត្រីសមត្ថកិច្ចជំនាញថ្នាក់ខណ្ឌ សង្កាត់ និងភូមិ ចុះសហការជាមួយមន្ត្រីក្រសួងសុខាភិបាល នៅយប់ថ្ងៃអង្គារ ៣រោច ខែចេត្រ ឆ្នាជូត ទោស័កព.ស ២៥៦៤ ត្រូវនឹងថ្ងៃទី៣០ ខែមីនា ឆ្នាំ២០២១ វេលាម៉ោង២២ និង២០នាទី ដេីម្បីនាំយកអ្នកវិជ្ជមានកូវីដ-១៩ ចំនួន ០៣នាក់។
ក្នុងប្រតិបត្តិការចុះយកអ្នកវិជ្ជមានកូវីដ-១៩ មានចំនួន៣នាក់នេះរួមមាន៖ (ស្ត្រីអាយុ ៦១ឆ្នាំ , ស្រ្តីអាយុ ៣៩ឆ្នាំ , កុមារីអាយុ ១១ឆ្នាំ) មានអាសយដ្ឋានស្ថិតក្នុងភូមិកណ្តាល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។ បច្ចុប្បន្នបញ្ជូនយកទៅព្យាបាលនៅមន្ទីរពេទ្យ ហ្លួងម៉ែ ។
ជាមួយគ្នានេះ លោក សុខ សម្បត្តិ អភិបាលខណ្ឌព្រែកព្នៅ ក៏សូមអំពាវនាវដល់បងប្អូនប្រជាពលរដ្ឋបង្កើនការប្រុងប្រយ័ត្នខ្ពស់ និងចូលរួមអនុវត្ត៖ ៣ការពារ និង៣កុំ ឲ្យមានប្រសិទ្ធិភាព និងអនុវត្តតាមការណែនាំរបស់ក្រសួងសុខាភិបាល៕ដោយ៖ស តារា
