រថយន្តដឹកកាំជ្រួចមីស៊ីល Tochka-U របស់កម្លាំងទាហាន Belarus បានបាត់បង់ការគ្រប់គ្រងធ្វើឱ្យរេចង្កូតទៅបុកផ្ទះពលរដ្ឋបណ្តាលឲ្យបាក់ស្រុតតែម្តង ស្ថិតនៅរដ្ឋធានី Minks។
គេហទំព័រ TUT របស់ប្រទេសបេឡារូសបានផ្សាយថា ហេតុការណ៍ដ៏កម្រនេះបានកើតឡើងនៅថ្ងៃទី៥ខែមេសា(ពេលវេលាក្នុងតំបន់) ខណៈដែលរថយន្តដឹកមីស៊ីលបើកបរនៅលើផ្លូវក្នុងស្រុក Asipovichy ។
ជាភព្វសំណាងនៅពេលគ្រោះថ្នាក់មិនមានអ្នកណាស្លាប់ឬរងរបួសនោះឡើយ ប៉ុន្តែរថយន្តដឹកមីស៊ីលខូចខាតយ៉ាងខ្លាំង ដោយបុករបងផ្ទះ និងជញ្ជាំងធ្វើពីឈើ ។ រូបភាពនៅកន្លែងកើតហេតុបង្ហាញឲ្យឃើញថា ផ្ទះខូចខាតជាច្រើន ក្រោយការបុក។ កម្លាំងទាហានបេឡារូស បានបញ្ជូនទៅកាន់កន្លែងកើតហេតុដើម្បី ដោះស្រាយស្ថានភាព ហើយយកមីស៊ីល Tochka-U ចេញពីកន្លែងកើតហេតុ ។ ប្រភពព័ត៌មានបានឱ្យដឹងថា មីស៊ីលខាងលើដឹកជញ្ជូនទៅកាន់ទីក្រុង Slutsk ។
មីស៊ីល Tochka U ត្រូវបានណាតូចាត់ទុកថាជាមីស៊ីល SS-1 ឬ Scarab B ។ មីស៊ីលនេះមានកម្រិតវាយប្រហារចំគោលដៅខ្ពស់ ដោយវាយប្រហារបានគោលដៅចម្ងាយ១២០គីឡូម៉ែត្រ ។ រថយន្តនីមួយៗគឺដឹកបានមីស៊ីលតែ មួយដើមប៉ុណ្ណោះ ហើយមីស៊ីលមានប្រវែង៦,៤ម៉ែត្រ និងទម្ងន់២តោន៕ ដោយ សាធី

នាវាផ្ទុកមីស៊ីល Tochka-U បានបុកចូលផ្ទះពលរដ្ឋបេឡារូស។ រូបភាព៖TUT

រូបភាព៖ITN