ខេត្តបាត់ដំបង÷ នារសៀលថ្ងៃទី០៦ ខែមេសា ឆ្នាំ២០២១ នៅចំណុចផ្ទះជួលស្ថិតក្នុងក្រុមទី០១ ភូមិរំចេក៣ សង្កាត់រតនៈ ក្រុងបាត់ដំបង ខេត្តបាត់ដំបង មានកាភ្ញាក់ផ្អើលមួយបន្ទាប់ពីប្រទះឃើញស្រី្តឈ្មោះ សេង វ៉េត ហៅ ស អាយុ ៣៩ឆ្នាំ បានដេកស្លាប់ក្នុងបន្ទប់ជួលខាងលើក្នុងសភាពហើមខ្លាំងនិងធំុក្លិនមកខាងក្រៅដោយមិនដឹងពីមូលហេតុ។ ផ្តើមចេញពីបញ្ហានេះ និងមានមូលដ្ឋានបង្ហាញពីការសង្ស័យខ្លាំងចំពោះការស្លាប់របស់ស្ត្រីរូបនេះ ទើប នៅយប់ថ្ងៃទី៦ខែមេសានេះសមត្ថកិច្ចឈានដល់ការនាំខ្លួនបុរស ជាប្តីរបស់ជនរងគ្រោះមកធ្វើការសាកសួរ។
ប្រតិបត្តិការនេះ ធ្វើឡើងក្រោមការបញ្ជាផ្ទាល់ពីឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក្រោមការសម្របសម្រួលលើនីតិវិធីពី លោក គឺប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបង ។
ក្រោយឃាត់បុរសជាប្តីឈ្មោះ ប៉ុល ប៊ុនធឿន អាយុ៤០ឆ្នាំ បានឆ្លើយសារភាពថា ខ្លួនពិតជាបានសម្លាប់ស្រី្តជាប្រពន្ធរបស់ខ្លួនកាលពីថ្ងៃទី០៤ ខែមេសា ឆ្នាំ២០២១ នាវេលាយប់រំលងអធ្រាត្រ ដោយការវាយដំលើផ្ទៃមុខនិងច្របាច់ករហូតដល់ស្លាប់ប្រាកដមែន។
ចំពោះមូលហេតុ ដែលឈានដល់ការសម្លាប់ប្រពន្ធបែបនេះ គឺដដោយសារប្រពន្ធខ្លួនតែងតែជេរប្រមាថគាត់នៅពេលខឹងម្តងៗ ហើយតែងតែទូរស័ព្ទទៅរកប្ប្តដើម (អតីតស្វាមី) របស់គាត់និងនិយាយសរសើរប្តីមុននៅចំពោះមុខខ្លួនជាញឹកញយ។
តាមការរៀបរាប់របស់ជនសង្ស័យរូបនេះបានឱ្យដឹងទៀតទៀតថាខ្លួននិងស្រី្តរងគ្រោះទើបនឹងបានគ្នាជាប្តីប្រពន្ធក្នុងរយ:ពេលតែជាងមួយឆ្នាំប៉ុណ្ណោះ ហើយស្ត្រីជាប្រពន្ធនេះ មានទីលំនៅឯខេត្កកណ្តាល ហើយគាត់បានគ្នាក្នុងពេលធ្វើកម្មកររោងចក្រនៅខេត្តតាកែវជាមួយគ្នា និងទើបមកជួលបន្ទប់ស្នាក់នៅទីនេះក្នុងអំឡុងខែមីនា ឆ្នាំ២០២១តែប៉ុណ្ណោះ។
បច្ចុប្បន្ន សមត្ថកិច្ចនគរបាលខេត្តកំពុងរៀបចំសំណុំរឿងបញបញ្ជូនទៅកាន់ការិយាល័យជំនាញដើម្បីបញ្ជូនជនសង្ស័យបន្តទៅសាលាដំបូងខេត្តអនុវត្តតាមច្បាប់៕
ដោយ:ប្រាថ្នា
