ភ្នំពេញ៖ ត្រឹមតែរយះពេលមួយថ្ងៃប៉ុណ្ណោះក្រុមគ្រូពេទ្យជំនាញបានរកឃេីញអ្នកវិជ្ជមានកូវីដ-១៩ចំនួនបួននាក់ នៅគោលដៅផ្សេងៗគ្នាក្នុងមូលដ្ឋានសង្កាត់ចោមចៅទី៣ ខណ្ឌពោធិ៍សែនជ័យ ហេីយត្រូវបានក្រុមគ្រូពេទ្យយកទៅព្យាបាលបន្ត។
លោកសុទ្ធ សុជាតិ ចៅសង្កាត់រងចោមចៅទី៣ ខណ្ឌពោធិ៍សែនជ័យ បានប្រាប់ឲ្យដឹងថា ករណីទី១ កេីតឡេីងនៅភូមិត្រពាំងពោធិ៍ សង្កាត់ចោមចៅទី៣ អ្នកជំងឺឈ្មោះសុំ សុខខេង ភេទស្រី អាយុ៣៦ ឆ្នាំ វិជ្ជមានកូវីដ មុខរបរកមមការិនីរោងចក្រ អុី ស្ទេច ។
ទី២-ឈ្មោះ ហ៊ន់ សុឃាន់ ភេទស្រីអាយុ៤១ឆ្នាំ វិជ្ជមានកូវីដ-១៩មុខរបរកម្មការិនីរោងចក្រឌីនហាន ស្នាក់នៅបន្ទប់ជួលភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ។
ទី៣-លោកស្រី សុង លីស អាយុ៣៧ឆ្នាំ វិជ្ជមានកូវីដមុខរបរកម្មការិនីរោងចក្រឌីនហាន ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ។
ទី៤ឈ្មោះធន់ ធាង ភេទប្រុស អាយុ៣៤ឆ្នាំ មុខរបរអ្នករត់កង់បីនៅផ្សារអូរឬស្សី ដែលពិនិត្យសំណាកលេីកទី១ ឃេីញថាមានវិជ្ជមានជំងឺកូវីដ១៩ ស្ថិតក្នុងព្រឹត្តិការណ៍៨មេសា បច្ចុប្បន្នស្នាក់នៅផ្ទះជួលជាមួយប្រពន្ធគាត់ក្នុងភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ។
ក្រោយពីក្រុមគ្រូពេទ្យរកឃេីញវិជ្ជមានជំងឺកូវិដ-១៩ ទេីបក្រុមគ្រូពេទ្យបានសហការជាមួយអាជ្ញាធរមូលដ្ឋានចុះយកបន្តបន្ទាប់ដេីម្បីទៅព្យាបាលបន្ត៕
ដោយ៖ សុខាសែនជ័យ
