ភ្នំពេញ៖ ជនសង្ស័យ៤នាក់បានធ្វេីសកម្មភាពឆក់យកខ្សែកពីបុរសម្នាក់តែមិនបានសម្រេចកាលពីវេលាម៉ោង១០ព្រឹកថ្ងៃទី ១៣ ខែមេសា ឆ្នាំ ២០២១ នៅតាមបណ្តោយផ្លូវបេតុង ក្នុងភូមិចំការឪឡឹក១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ហេីយព្យាយាមគេចខ្លួនរហូតទៅដល់ក្នុងបុរីបឹងបៃតង ភូមិត្រពាំងទា សង្កាត់ត្រពាំងក្រសាំង ខ័ណ្ឌពោធិ៍សែនជ័យ រាជធានីភ្នំពេញ ត្រូវបានសមត្ថកិច្ចដេញឃាត់បានចំនួន៤នាក់។
ជនរងគ្រោះមានឈ្មោះប៊ុត រ៉ុម ភេទប្រុស មានទីលំនៅភូមិចំការឪឡឹក២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ចណែលជនសង្ស័យទី១-ឈ្មោះ ជា សុវណ្ណារ៉ា ហៅប៉ុក អាយុ១៩ឆ្នាំ ជាកម្មកររោងចក្រ ស្នាក់នៅបន្ទប់ជួលក្នុងភូមិព្រៃទា សង្កាត់ចោមចៅទី3 ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី២-ឈ្មោះតយ តុង អាយុ ២២ឆ្នាំ មុខរបរកម្មកររោងចក្រ ស្នាក់នៅភូមិចែងម៉ែង សង្កាត់សំរោង សង្កាត់ត្រពាំងក្រសាំង ខណ្ឌពោធិ៍សែនជ័យ។
ជនសង្ស័យទី៣-ឈ្មោះស៊ីណា ចិត្រា ហៅត្រា អាយុ២០ឆ្នាំ មុខរបរកម្មកររោងចក្រ ស្នាក់នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
ជនសង្ស័យទី៤-ឈ្មោះឃីន ដាលុច ហៅសាក់ប្រយុទ្ធ អាយុ១៨ឆ្នាំ មុខរបរកម្មករសំណង់ ស្នាក់នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
សម្ភារដកហូតមានម៉ូតូចំនួន៤គ្រឿង ១-ម៉ូតូម៉ាកឌ្រីម សេ១២៥ ពាក់ស្លាកលេខ ព្រៃវែង 1P-2445។ទី២-ម៉ាកឌ្រីមសេ១២៥ ពាក់ស្លាកលេខ ភ្នំពេញ 1BH-3063។ទី៣-ម៉ាក និច ពាក់ស្លាកលេខតាកែវ 1W-1560។ ទី៤ម៉ាកហុងដាឌ្រីម សេ១២៥ ពាក់ស្លាកលេខតាកែវ 1H-7725។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុជនរងគ្រោះបានជិះម៉ូតូម្នាក់ឯងតាមបណ្តោយផ្លូវបេតុង ក្នុងភូមិចំការឪឡឹក១ សង្កាត់កាកាបទី១ ខណ្ឌពោធិ៍សែនជ័យ ភ្លាមនោះស្រាប់តែមានជនសង្ស័យចំនួន៤នាក់ជិះម៉ូតូមកពីក្រោយរួចធ្វេីសកម្មភាពឆក់យកខ្សែកពីជនរងគ្រោះតែមិនបានសម្រេច ទេីបជនរងគ្រោះស្រែកថាចោរៗបង្កការភ្ញាក់ផ្អេីលដល់សមត្ថកិច្ចដេញប៉ផាប់ចាប់ពភីងរហូតទៅដល់
បុរីបឹងបៃតង ភូមិត្រពាំងទា សង្កាត់ត្រពាំងក្រសាំង ទើបសមត្ថកិច្ចតាមឃាត់ខ្លួនបានទាំងបួននាក់តែម្ដង។
ក្រោយពេលកើតហេតុសមត្ថកិច្ចបានកសាងសំណុំរឿងទាំងបួននាក់ដើម្បីបញ្ជូនទៅផ្នែកជំនាញចាត់ការបន្តតាមនីតិវិធី៕
ដោយ៖ សុខាសែនជ័យ
