ខេត្តបាត់ដំបង៖ កម្លាំងអន្តរាគមន៍នៃអធិការរដ្ឋាននគរបាលស្រុកបវេល បានឲ្យដឹងថា នៅថ្ងៃទី១៤ ខែមេសា ឆ្នាំ២០២១ វេលាម៉ោង ២១និង៣០នាទី បានធ្វើការឃាត់ខ្លួនក្មេងទំនើង ចំនួន០៥នាក់ នៅចំណុចបុរីយិនម៉ាន់ ស្ថិតនៅភូមិសង្កែវា ឃុំបវេល ស្រុកបវេល ខណ:បានដើរលេង ហើយមានកាន់កាំបិត ដាក់តាមខ្លួនបំណងប្រើអំពើហិង្សាដាក់អ្នកដទៃតាមដងផ្លូវ។
មន្ត្រីនគរបាលស្រុកបវេល បានឲ្យដឹងថា កេ្មងទំនើងទាំងនេះមាន ១.ឈ្មោះ ឈិញ តុលា ភេទប្រុស អាយុ ២៤ឆ្នាំ រស់នៅភូមិទំនប់ទុក ឃុំបវេល ស្រុកបវេល។
២.ឈ្មោះ សេរី ប៊ុនរិទ្ធ ភេទប្រុស អាយុ ១៩ឆ្នាំ រស់នៅភូមិទំនប់ទឹក ឃុំបវេល ស្រុកបវេល។ ៣.ឈ្មោះ ចិន សុភា ភេទប្រុស អាយុ ១៩ឆ្នាំ រស់នៅភូមិស្ទឹងដាច់ ឃុំបវេល ស្រុកបវេល។ ៤.ឈ្មោះ ប្រាក់ សុផាន់ណា ភេទប្រុស អាយុ ១៨ឆ្នាំ រស់នៅភូមិបវេល២ ឃុំបវេល ស្រុកបវេល។ ៥.ឈ្មោះ ចេក ចៀន ភេទប្រុស អាយុ ១៨ឆ្នាំ រស់នៅភូមិបវេល២ ឃុំបវេល ស្រុកបវេល។
ក្រោយឃាត់ខ្លួនក្មេងទំនើងទាំងនេះត្រូវបានកម្លាំងនគរបាលស្រុកធ្វើការអប់រំ និងធ្វើកិច្ចសន្យា រួចបានប្រគល់ឲ្យអាណាព្យាបាលយកទៅអប់រំបន្តនៅគេហដ្ឋាន ៕
ដោយ÷ ប្រាថ្នា
