ភ្នំពេញ, សេចក្តីបកស្រាយបំភ្លឺរបស់ក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ចាត់ទុកស្ត្រីម្នាក់ឈ្មោះ ជុង អង្គបូរមី ដែលបានប្រើប្រាស់គណនី Fabebook ឈ្មោះ Jo Jo Beauty for All , ចូលចិត្តបំពុលសង្គម យកទុក្ខដាក់ខ្លួនម្លេះ !

ក្រុមការងារព័ត៌មាន​ និងប្រតិកម្មរហ័សនៃស្នងការដ្ឋាននគរបាលរាធានីភ្នំពេញ​ មានកិត្តិយសជម្រាបជូនសាធារ:ជនទាំងអស់ឲ្យបានជ្រាបថា​ ស្ត្រីម្នាក់ឈ្មោះ ជុង អង្គបូរមី ដែលបានប្រើប្រាស់គណនី Fabebook ឈ្មោះ Jo Jo Beauty for All ដែលបានធ្វើការឡាយវីដេអូ កាលពីថ្ងៃទី១៥ ខែ មេសា ឆ្នាំ២០២១ នៅចំណុចបុរីហ្គ្រែនភ្នំពេញ ដោយបានចោទប្រកាន់ខុសពីការពិតមកលេីសមត្ថកិច្ចកំពុងអនុវត្តសេចក្តីសម្រេចបិទខ្ទប់រាជធានីភ្នំពេញនៅគោលដៅមុ ខបុរី​ Grand Phnom Penh ត្រូវបានសមត្ថកិច្ចនៃអធិការនគរបាលខណ្ឌឬស្សីកែវ ធ្វេីឃាត់ខ្លួននៅយប់ថ្ងៃទី១៦ ខែមេសា ឆ្នាំ២០២១ ។

នៅព្រឹកថ្ងៃទី១៧ ខែមេសា ឆ្នាំ២០២១ ស្ត្រីរូបនេះបានទទួលស្គាល់នូវកំហុសរបស់គាត់​ ដោយបានធ្វើកិច្ចសន្យា ព្រមទាំងថតវីដេអូ សុំទោសជាសាធារណៈចំពោះថ្នាក់ដឹកនាំ​ សមត្ថកិច្ច ក៏ដូចជាប្រជាពលដ្ឋទាំងអស់ថា គាត់នឹងឈប់ប្រព្រឹត្តអំពើបែបនេះទៀតហើយ៕

 

ដោយ, សុខ ខេមរា