ខេត្តត្បូងឃ្មុំ ៖ កម្លាំងជំនាញផ្នែកប្រឆាំងគ្រឿងញៀន និងកម្លាំងប៉ុស្តិ៍នគរបាលរដ្ឋបាលកោងកាង នៃអធិការដ្ឋាននគរបាលស្រុកពញាក្រែកបានចុះបង្ក្រាបករណីជួញដូរ និងប្រើប្រាស់គ្រឿងញៀនមួយកន្លែងត្រង់ចំណុចរោងជាងប៉ះកង់ឡាន ស្ថិតក្នុងភូមិពោធិ៍រោងលិច ឃុំកោងកាង ស្រុកពញាក្រែក ខេត្តត្បូងឃ្មុំ ហេីយបានឃាត់ខ្លួនជនសង្ស័យចំនួន៣នាក់ ដកហូតថ្នាំញៀនបានចំនួន៤កញ្ចប់ និងឧបករណ៍សេពថ្នាំញៀន១សម្រាប់ ។
ជនសង្ស័យ៣នាក់ដែលសមត្ថកិច្ចឃាត់ខ្លួននោះគឺធ្វើឡើងកាលពីវេលាម៉ោង១០ៈ៣០នាទី ថ្ងៃទី២២ ខែមេសា ឆ្នាំ២០២១ដែលរួមមាន ៖
១-ឈ្មោះ ទុយ ប៊ុណ្ណា ភេទប្រុស អាយុ ៣៦ឆ្នាំ ជនជាតិខ្មែរ រស់នៅភូមិ ឃុំ កើតហេតុខាងលើ ។
២-ឈ្មោះ ជុក ជា ភេទប្រុស អាយុ៤២ឆ្នាំ ជនជាតិខ្មែរ រស់នៅភូមិបត់ទន្លា ឃុំ
កណ្តោលជ្រំ ស្រុកពញាក្រែក ខេត្តត្បូងឃ្មុំ ។
៣-ឈ្មោះ យ៉ូ ភារម្យ ភេទប្រុស អាយុ ៣៩ឆ្នាំ ជនជាតិខ្មែរ រស់នៅភូមិបត់ទន្លា ឃុំកណ្តោលជ្រំ ស្រុកពញាក្រែក ខេត្តត្បូងឃ្មុំ ជាមួយគ្នា ។
បច្ចុប្បន្នជនសង្ស័យរួមនឹងវត្ថុតាងខាងលើត្រូវបានបញ្ជូនមកកាន់អធិការដ្ឋាននគរបាលស្រុកពញាក្រែកដើម្បីធ្វើការសាកសួរ និងចងក្រងសំណុំរឿងចាត់ការតាមនីតិវិធី ៕
ដោយ៖ វណ្ណៈ
