កាលពីថ្ងៃទី៨ ខែមីនា អ៊ីរ៉ង់បានធ្វើ ការសាកល្បងកាំជ្រួចមីស៊ីលនៅក្នុងការធ្វើសមយុទ្ធយោធាដើម្បីបង្ហាញពីឥទ្ធិ ពលនៃសព្វាវុធរបស់ប្រទេសនេះ។
សារព័ត៌មាន IRNA របស់អ៊ីរ៉ង់បាន ផ្សាយថា កាំជ្រួចមីស៊ីលមួយចំនួនត្រូវ បានយកមកប្រើប្រាស់បាញ់សាកល្បង ក្នុងពេលធ្វើសមយុទ្ធ។ សម្មភាពខាងលើ ត្រូវបានគេចាត់ទុកថាជាការបំពានទៅ លើការដាក់ទណ្ឌកម្មរបស់អាមេរិកកាល ពីខែមករាកន្លងមកទៅលើកម្មវិធីកាំជ្រួច មីស៊ីលរបស់ប្រទេសនេះ ។
កាលពីខែតុលា ឆ្នាំ២០១៥ អ៊ីរ៉ង់ក៏ បានសាកល្បងប្រកបដោយជោគជ័យនូវមីស៊ីលរយៈចម្ងាយឆ្ងាយបាញ់បានប្រមាណ ២ពាន់គីឡូម៉ែត្រ។ កាលពីខែមករា អាមេរិកបានដាក់ទណ្ឌកម្មថ្មីទៅលើបុគ្គល ដែលជាប់ពាក់ព័ន្ធនឹងកម្មវិធីកាំជ្រួច មីស៊ីលរបស់រដ្ឋាភិបាលទីក្រុងតេអ៊ីរ៉ង់ ។ ការដាក់ទណ្ឌកម្មបែបនេះក្រោយពេល ដែលការដាក់ទណ្ឌកម្មទៅលើកម្មវិធី បរមាណូត្រូវបានលុបចោលទាំងស្រុង តាមកិច្ចព្រមព្រៀងកាលពីខែកក្កដា ឆ្នាំ២០១៥ ។
អ៊ីរ៉ង់មានកាំជ្រួចមីស៊ីលជាច្រើន ផលិតដោយបច្ចេកវិទ្យាអ៊ីរ៉ង់ផ្ទាល់ក្នុង គោលដៅពង្រឹងវិស័យការពារជាតិដោយ សារតែអ៊ីរ៉ង់នៅមានសត្រូវជាច្រើនទៀត ដូចជាអ៊ីស្រាអែលនិងអារ៉ាប៊ីសាអ៊ូឌីត ជាដើមដែលតែងតែចង់វាយប្រហារទៅលើប្រទេសអ៊ីរ៉ង់គ្រប់ពេលវេលា ។
ទោះបីយ៉ាងណាក្ដីអ៊ីរ៉ងមានទំនាក់ទំនង យ៉ាងល្អប្រសើរជាមួយប្រទេសលោកខាង លិចដោយអ៊ីរ៉ង់បាននាំប្រេងទៅកាន់តំបន់ អឺរ៉ុបជួយឱ្យសេដ្ឋកិច្ចអ៊ីរ៉ង់កាន់តែប្រសើរ ថែមទៀត។ នៅពេលនេះអ៊ីរ៉ងបានបើក ទ្វារសេដ្ឋកិច្ចជាសញ្ញាល្អប្រសើរបំផុតសម្រាប់ប្រជាជនអ៊ីរ៉ង់ទាំងនោះហើយទើប គណបក្សកាន់អំណាចទទួលបានជ័យជម្នះនៅក្នុងការបោះឆ្នោតកន្លងមក ។
សម្ដីអ្នកនយោបាយដែលស្រែកក្ដែងៗ ថា អ៊ីរ៉ង់មិនត្រូវចុះញ៉មអាមេរិកអ៊ីរ៉ង់ មានកម្លាំងទាំងអស់នេះគ្រាន់តែឱ្យបានពិរោះប៉ុណ្ណោះតែភាពជាក់ស្ដែងគឺប្រជាជនអ៊ីរ៉ង់រស់ទាំងលំបាកដោយសារតែគ្មាន ច្រកសេដ្ឋកិច្ចជាមួយប្រទេសដទៃ ។ សម្រាប់ពេលនេះថ្វីបើការបើកចំហរ សេដ្ឋកិច្ចនៅមិនទាន់ហុចផលនៅឡើយក្ដី ថ្វីបើអត្រាអ្នកអត់ការងារធ្វើនៅ តែមានកម្រិតខ្ពស់ប្រមាណជា៣០ភាគរយក្ដី ក៏ប៉ុន្ដែការបើកចំហរទ្វារសេដ្ឋកិច្ច អ៊ីរ៉ង់ដែលជាគំនិតរបស់ក្រុមកណ្ដាល និយមគឺជាក្ដីសង្ឃឹមថ្មីរបស់ប្រជាជន អ៊ីរ៉ង់។ ដង្ហើមសេដ្ឋកិច្ចគឺការចង់បាន ចម្បងរបស់ប្រជាជនអ៊ីរ៉ង់។ លំហូរវិនិ យោគបរទេសនឹងចូលទៅអ៊ីរ៉ង់ជាបន្ដ បន្ទាប់។ ទាំងនេះហើយជាចំណុចសង្ឃឹម របស់ក្រូមកណ្ដាលនិយមរបស់លោក ប្រធានាធិបតីហាសាន់ រ៉ូហានី។ បើក្រុម លោកបានសំឡេងគាំងទ្រភាគច្រើនក្នុងសភាជាតិនិងសភាសាសនាហើយអាចមានលទ្ធភាពជ្រើសរើសអាយ៉ាតូឡាថ្មី ដែលមិនសូវជ្រុលនិយមទៀតនោះគឺអ្វីៗកាន់តែប្រសើរ។ យ៉ាងណាក៏ដោយលទ្ធ ផលបោះឆ្នោតនេះវាជាការសម្រេចចិត្ដរបស់ប្រជាជនអ៊ីរ៉ង់ ៕ ប្រែសម្រួល៖ ម៉ែវ សាធី
