ភ្នំពេញ ៖ បុរសម្នាក់ត្រូវបានប្រជាការពារសាលាខណ្ឌដង្កោ ដឹកយកទៅសង្គ្រោះនៅមន្ទីពេទ្យបង្អែកខណ្ឌដង្កោភ្លាមៗខណៈពេលរូបគាត់កំពុងជិះម៉ូតូត្រូវរថយន្តបើកមកពីក្រោយកៀរបណ្ដាលឲ្យដួរបោកទៅនិងថ្នល់រងរបួសធ្ងន់ កាលពីវេលាម៉ោង21និង30នាទីយប់ថ្ងៃទី17 ខែកក្កដា ឆ្នាំ2105 ទល់មុខសាលាខណ្ឌដង្កោ ស្ថិតក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
សាក្សីនៅនិងកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខភ្នំពេញ1I-9494 ទិសដៅពៅជើងទៅត្បូងល្បឿនល្មម ភ្លាមនេះស្រាប់តែមានរថយន្តមួយគ្រឿងម៉ាកCOROLLA ពណ៌ទឹកប្រាក់ ពាកស្លាកលេខភ្នំពេញ2Q-6435 ទិសដៅស្របគ្នាក្នុងល្បឿនលឿនបានជ្រុលចង្កូតទៅកៀរបុរសជិះម៉ូតូពេញទំហឹងបណ្ដាលឲ្យបោកទៅនិងថ្នល់រងរបួសធ្ងន់ ត្រូវបានប្រជាការពារសាលាខណ្ឌដង្កោនៅទីនោះដឹកយកទៅសង្គ្រោះទៅមន្ទីរពេទ្យបង្អែកខណ្ឌដង្កោ។ ភ្លាមៗផងនេះរថយន្តបង្កបានព្យាយាមបើករត់តែបានកម្លាំងសមត្ថកិច្ចសហការប្រជាការពារខណ្ឌដង្កោនៅទីនេះជួយស្ទាក់ចាប់បានទាំងរថយន្តនិងម្ចាស់យកទៅសាកសួរបន្ត។
កម្លាំងសមត្ថកិច្ចខណ្ឌដង្កោបានបានឲ្យដឹងថា ជនរងគ្រោះមានឈ្មោះសុខ វិសាល ភេទប្រុស អាយុ31ឆ្នាំមុខរបរមេចុងភៅ ស្នាក់នៅភូមិបុរីកម្មករ សង្កាត់ដង្កោខណ្ឌដង្កោ។រីឯអ្នកបើកបរថយន្តបង្កពុំស្គាល់អត្តសញ្ញាននៅឡើយទេ។
ក្រោយពេលកើតហេតុសមត្ថកិច្ចមូលដ្ឋានសហការជាមួយជំនាញធ្វើការវាស់វែងរួចយករថយន្តនិងម៉ូតូយកទៅរក្សានៅសាលាខណ្ឌដង្កោ រងចាំដោះស្រាយគ្នា៕ជីម ភារ៉ា ដង្កោ