ភ្នំពេញ៖ បុរសមិនសា្គល់ឈ្មោះម្នាក់ ត្រូវបានរថយន្តសាមុយដឹកបញ្ជូនទៅជួយសង្គ្រោះបនា្ទន់នៅមន្ទីរពេទ្យកាល់ម៉ែត បន្ទាប់ពីគេប្រទះឃើញដេកដួលបែកក្បាលសន្លប់ស្តូងស្តឹង ទាំងធំក្លិនជាតិស្រវឹងនៅក្បែរចិញ្ចើមថ្នល់ តែម្នាក់ឯង ។
ករណីគ្រោះថា្នក់នេះ កើតឡើងកាលពីវេលាម៉ោង១និង១០នាទីរំលងអធ្រាត្រ ឈានចូលថ្ងៃទី១២ខែមីនាឆ្នាំ២០១៦នេះ នៅត្រង់ចំណុចមុខរបងរោងចក្រ(គង់ហុង) លើកំណាត់ មហាវិថីសហពន្ធ័រុស្សី ក្នុងសង្កាត់ទឹកថ្លា ខណ្ឌសែនសុខ ។
សាក្សីបានអោយដឹងថា មុនពេលកើតហេតុបុគ្គលិកសន្តិសុខម្នាក់បានឮសូរសំឡេងដួលម៉ូតូ ប្រាវហើយពេលគាត់ក្រឡេកមើលស្រាប់តែឃើញជនរងគ្រោះដេកសន្លប់តែម្នាក់ឯងនៅក្បែរម៉ូតូម៉ាកវេស៉្បាមួយគ្រឿងដែលករណីនេះសង្ស័យថាគាត់(ជនរងគ្រោះ)បើកបរដោយមានជាតិស្រវឹង ហើយរេពេញផ្លូវក៍ត្រូវបានរថយន្តកៀរឲ្យដួល បោកក្បាល ដោយសារតែគាត់មិនបានពាក់មួកការពារសុវត្ថិភាព ។
សាក្សីឲ្យដឹងទៀតថាក្រោយពេលកើតហេតុជនរងគ្រោះត្រូវបានប្រជាពលរដ្ឋឆ្លងកាត់ឃើញក៏បានទាក់ទងទៅរថយន្តសង្គ្រោះបន្ទាន់បញ្ជូនទៅកាន់មន្ទីរពេទ្យ កាល់ម៉ែតភ្លាមៗតែម្តង។ ចំណែកឯម៉ូតូជនងគ្រោះវិញត្រូវបាននគរបាលខណ្ឌសែនសុខជិះ យកទៅរក្សាទុកនៅប៉ុស្ដិ៍នគរបាលរដ្ឋបាលទឹកថ្លា៕ ប្រាថ្នា
