ខេត្តក្រចេះ៖ យុវជនម្នាក់ជិះម៉ូតូប្រើប្រាស់ល្បឿនលឿនបានជ្រុលទៅបុកសត្វគោដែលកំពុងដើរឆ្លងផ្លូវបណ្តាលឱ្យបោកក្បាលស្លាប់ភ្លាមនៅនឹងកន្លែងកើតហេតុយ៉ាងអាណោចអាធ័មបំផុត។
ករណីគ្រោះថ្នាក់ចរាចរណ៍ម៉ូតូបុកគោនេះបានកើតឡើងនៅវេលាម៉ោង៦ៈ៤២នាទីថ្ងៃទី២៦ខែឧសភាឆ្នាំ២០២១លើកំណាត់ផ្លូវជាតិលេខ៧៦(ស្នួល-ក្រចេះ)ក្នុងភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ ។
ជនរងគ្រោះឈ្មោះ ស្រ៊ុន រា ភេទប្រុសអាយុ២៦ឆ្នាំ ជនជាតិខ្មែរ បើកម៉ូតូមិនមានពាក់មួកសុវត្ថិភាព មានទីលំនៅភូមិស្នួលវត្តកេីត ឃុំស្នួល ស្រុកស្នួល ខេត្តក្រចេះ ។
ម៉ូតូដែលជនរងគ្រោះជិះនោះម៉ាកវ៉េវឆ្លាម ពណ៌ខ្មៅ អត់ស្លាកលេខ ហើយក៏អត់ពាក់មួកសុវត្ថិភាពដែរ បើកក្នុងទិសដៅពីត្បូងទៅជេីង។ ដោយសារប្រេីប្រាស់ល្បឿនលឿនធ្វើឱ្យគេបាត់បង់ម្ចាស់ការពេលមកដល់ចំណុចកេីតហេតុខាងលេីក៏បានជ្រុលទៅបុកគោបណ្ដាលឱ្យបោកក្បាលស្លាប់នៅនឹងកន្លែងកេីតហេតុ។
ក្រោយកើតហេតុ សមត្ថកិច្ចបានធ្វើកំណត់ហេតុប្រគល់សពឱ្យសាច់ញាតិយកទៅធ្វើបុណ្យតាមប្រពៃណី៕
ដោយ៖ ជីវ័ន្ត
