ខេត្តកំពង់ស្ពឺ ៖ កាលពីថ្ងៃទី២៧ ខែឧសភាឆ្នាំ២០២១ វេលាម៉ោង១០:២៥នាទី កម្លាំងជំនាញ(ក៥)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ សាន សុទ្ធី នាយករង ចូលរួមសហការដោយកម្លាំងជំនាញនៃស្នងការដ្ឋាននគរបាលខេត្តកំពង់ស្ពឺ ក្រោមការសម្របសម្រួលពីលោក ខៃ សុភ័ស្ត ព្រះរាជអាជ្ញារងនៃអយ្យការអមសាលាដំបូងខេត្តកំពង់ស្ពឺ បានធ្វើការស្រាវជ្រាវរហូតឈានទៅបង្រ្កាបការជួញដូរគ្រឿងញៀនស្ថិតនៅចំណុចស្ថានីយប្រេងឥន្ធនៈ PTT តាមបណ្តោយផ្លូវជាតិលេខ៤ ក្នុងភូមិរលាំងសង្កែ ឃុំសុព័រទេព ក្រុងច្បារមន ខេត្តកំពង់ស្ពី ដោយឃាត់ខ្លួនជនសង្ស័យបាន៣នាក់គឺ៖
១-ឈ្មោះ ភុំ បេន ភេទប្រុស អាយុ ៣៩ឆ្នាំ ជនជាតិខ្មែរ។
២-ឈ្មោះ ភុំ សំបូរ ភេទប្រុស អាយុ ៣៥ឆ្នាំ ជនជាតិខ្មែរ។
៣-ឈ្មោះ អាន ចិត្រា ភេទប្រុស អាយុ ២៥ឆ្នាំ ជនជាតិខ្មែរ។
ចំណែកវត្ថុតាងដែលដកហូតបានមាន
ម្សៅក្រាមពណ៌សថ្លាសង្ស័យជាមេតំហ្វេតាមីន (ICE)ចំនួន១កញ្ចប់ធំ ស្មើនឹងទម្ងន់ ៩៨៨,២៧ក្រាម ។
បច្ចុប្បន្នជនសង្ស័យ និងវត្ថុតាងខាងលើ ត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺដើម្បីចាត់ការតាមនីតិវីធី ៕
ដោយ៖ ស សម
