ក្រុម Leicester ដែលទើបតែឡើងពីអង់គ្លេសChampionshipមក បានបន្តទំរង់លេងល្អរបស់ខ្លួន
យកឈ្នះលើក្រុមNewcastleដោយលទ្ធផល១-០ បន្តនាំមុខកំពូលតារាងអង់គ្លេស Premier League
រហូតដល់ទៅ៥ពិន្ទុលើក្រុមលេខ២ Tottenham Hotspur។
មួយគ្រាប់របស់ក្រុមម្ចាស់ផ្ទះ បានកើតឡើងដោយការស៊ុតបាល់បកក្រោយយ៉ាងស្អាតរបស់
កីឡាករជប៉ុនShinji Okazaki នៅនាទីទី២៥។
ទោះបីជាទទួលបានជោគជ័យក៏ដោយ ក៏លោកគ្រូបង្វឹកសញ្ជាតិអ៊ីតាលីClaudio Ranieri
របស់ក្លិប Leicester នៅតែបដិសេធថាក្រុមរបស់គាត់គឺជាក្រុមឈ្នះជើងកំពូលរបស់អង់គ្លេស
នៅក្នុងរដូវកាលនេះដែរ។
លទ្ធផលនេះបានធ្វើឲក្រុមសារិកាព្រៃNewcastleស្ថិតនៅក្នុងតំបន់គ្រោះថ្នាក់ដដែល
បើទោះបីជាពួកគេបានខិតខំដាក់គ្រូបង្វឹកថ្មីគឺលោកRafael Benitez ក៏ដោយ។