ភ្នុំពេញ : បុរសវ័យចំណាស់ម្នាក់បានរងរបួសធ្ងន់ សន្លប់ស្តូកស្តឹងខណះពេលកំពុងជិះមូ៉តូ ធ្វើដំណើរតាមដងផ្លូវសុខៗ ស្រាប់តែមានរថយន្តកូរ៉េ ដឹកកៅអីមួយគ្រឿងបើកគេចជ្រុលមកកៀរមូ៉តូពីក្រោយ បណ្តាលឲ្យដួលបោកទៅនឹងថ្នល់ កាលពីវេលាម៉ោង១០និង៥០នាទីព្រឹកថ្ងៃទី១៥ ខែមិនា ឆ្នាំ២០១៦ ស្ថិតនៅលើកំណាត់ផ្លូវសហព័ន្ធរុស្សី មុខក្រុមហុ៊នលក់រថយន្ត ភូមិក្បាលដំរី សង្កាត់កាកាប ខណ្ឌពោធិ៍សែនជ័យ ហើយរថយន្តព្យាយាម បើករត់បានប្រហែល៣០០ម៉ែត្រត្រូវបានសមត្ថកិច្ចឃាត់ជាប់។

ជនរងគ្រោះឈ្មោះអឹម​ សុខុម​ ភេទប្រុស៥៦ឆ្នាំ​ មុខរបកាន់គ្រឿងចក្រ​ ស្នាក់នៅការដ្ឋានជិតសង្កាត់ចោមចៅ។
ជនរងគ្រោះ ជាមធ្យោបាយ ចំណែក រថយន្តបង្ក ម៉ាកកូរ៉េ ពណ៌ស មិនចាំស្លាកលេខ បើករត់គេចបាត់ ។

តាមប្រជាពលរដ្ឋបានឲ្យដឹងថាមុនកើតហេតុ គេឃើញជនរងគ្រោះ ជិះមូ៉តូមួយគ្រឿងម៉ាក វីវ៉ា ពណ៌ខ្មៅ ពាក់ស្លាកលេខ ន 0742 ភព1 ម្នាក់ឯង ក្នុងទិសដៅពីកើតទៅលិច លុះដល់ចំណុចខាងលើ ស្រាប់តែរថយន្តកូរ៉េពណ៍ស​ ពាក់ស្លាកលេខភ្នំពេញ2AA 2063 បើកបរក្នុងទិសដៅស្របទិសគ្នា មកកៀរបណ្តាលឲ្យដួលរងរបួសសន្លប់ស្តូកស្តឹង ហើយព្យាយាម បើករត់រហូតមកដល់ចំណុចរង្វង់មូលចោមចៅក៏ត្រូវសមត្ថកិច្ចឃាត់ជាប់។

ក្រោយកើតហេតុ មួយសន្ទុះក្រោយមកក៏ដឹងខ្លួនវិញហើយត្រូវខាងរថយន្តបង្កចេញថ្លៃព្យាបាលចំនួន២០ដូល្លារដើម្បីបញ្ចប់រឿងនៅកន្លែងកើតហេតុ។ សុខាសែនជ័យ