ការណ៍ដែលចិនមិនខ្លាចអាមេរិកនៅក្នុងវិវាទដែនសមុទ្រចិនភាគខាងត្បូង នោះដោយសារតែចិនមានអាវុធទំនើបៗ បំផុតដែលអាចកម្ទេចអាមេរិកបានគ្រប់ ពេល ពិសេសគឺទីតាំងយោធានៅក្នុង តំបន់អាស៊ីប៉ាស៊ីហ្វិក ក្នុងនោះមាននាវា ផ្ទុកយន្ដហោះអាមេរិកជាដើម ។
កន្លងមកចិនបានសាកល្បងកាំជ្រួចមីស៊ីលទំនើបបំផុតរបស់ខ្លួនដែលអាមេរិកឱ្យឈ្មោះ WU-14 ធ្វើឱ្យមន្ដ្រីក្រសួងការ ពារជាតិអាមេរិកព្រួយបារម្ភយ៉ាងខ្លាំង។ជាមួយនឹងការអនុវត្ដកាំជ្រួចមីស៊ីល ល្បឿនលឿនរបស់ចិន ធ្វើឱ្យអាមេរិក ត្រូវតែស្រាវជ្រាវលើប្រព័ន្ធបច្ចេកវិទ្យាមីស៊ីលបន្ថែមទៀតសម្រាប់ទប់ទល់នឹងមីស៊ីលដ៏ទំនើបទាំងនោះ ។
ក្រសួងការពារជាតិចិនបានប្រកាសឱ្យដឹងថា ទើបតែបានសាកល្បងកាំជ្រួច មីស៊ីលដែលបាញ់ត្រង់ឡើងទៅលើអាកាស ហើយវិលត្រឡប់សំដៅគោលដៅនៅ លើដីដែលមានល្បឿនលឿនជាងសំឡេង ដល់ទៅ១០ដង ស្មើនឹងល្បឿន១២.៣៥៩ គីឡូម៉ែត្រក្នុងមួយម៉ោង។ ប្រភេទកាំ ជ្រួចមីស៊ីលនេះចិនបានសាកល្បង២លើក រួចមកហើយប្រកបដោយជោគជ័យគឺលើក ទី១សាកល្បងនៅថ្ងៃទី៩ ខែមករា និង លើកទី២នៅថ្ងៃទី១៩ ខែមករា ។ ដូច្នេះ ចិនក្លាយជាប្រទេសទី៣បន្ទាប់ពីអាមេរិក និងរុស្ស៊ីដែលស្រាវជ្រាវផលិតកាំជ្រួច មីស៊ីលដែលគ្មានអ្វីមករារាំងទប់ស្កាត់បាន ឡើយ ដោយសារតែល្បឿនលឿនជាង សំឡេងរហូតដល់ទៅ១០ដង ហើយអាច បំពាក់ក្បាលគ្រាប់បរមាណូបានទៀតផង ។
ចិនកំពុងខិតខំផលិតប្រភេទកាំជ្រួច មីស៊ីលល្បឿនលឿនដែលអាចបាញ់ពីលើអាកាស និងនៅលើដីទៅកាន់គោលដៅ ដែលកំណត់ទុក។ គោលដៅក្នុងកម្មវិធី ស្រាវជ្រាវផលិតមីស៊ីលអាចបំផ្លាញទី តាំងទាំងឡាយនៅលើភពផែនដីក្នុងរយៈពេលតែមួយម៉ោងប៉ុណ្ណោះ។ ប៉ុន្ដែបច្ចេក វិទ្យាទាំងនោះជួបនូវផលលំបាកយ៉ាងខ្លាំង ដោយមានភាពស្មុគស្មាញក្នុងការផលិតក៏ដូចជាត្រូវចំណាយប្រាក់ច្រើន។ ប៉ុន្ដែ នៅពេលដែលផលិតបានជោគជ័យមីស៊ីល នោះអាចជួយឱ្យចិនប្រៀបផ្ទឹមនឹងប្រព័ន្ធមីស៊ីលទំនើបរបស់អាមេរិក និងរុស្ស៊ី គឺមានកម្លាំងគ្រប់គ្រាន់សម្រាប់ទប់ទល់រាល់ការគំរាមកំហែង ។
តាមអ្នកឯកទេសរបស់អាមេរិកកាំ ជ្រួចមីស៊ីល WU-14 របស់ចិន ពេល ដំបូងគឺមានសមត្ថភាពបំផ្លាញនាវាមុជ ទឹក ក្រោយមកទើបអាចវិវត្ដទៅជាកាំ ជ្រួចមីស៊ីលយុទ្ធសាស្ដ្ររយៈចម្ងាយឆ្ងាយវាយប្រហារទៅលើគោលដៅដូចការ ចង់បាន ។
ចិនមិនខ្លាចអាមេរិកទេ ខ្លាចតែឥណ្ឌា ដែលមានបរមាណូ ហើយមានព្រំដែន ជាប់គ្នា
រដ្ឋាភិបាលទីក្រុងប៉េកាំងមានប្រតិកម្ម ដូចខាងលើក្រោយពេលអាមេរិក និង ឥណ្ឌាបានចេញសេចក្ដីប្រកាសរួមស្ដីពីស្ថានភាពសន្ដិសុខ សេរីភាពចរាចរណ៍ នៅលើដែនសមុទ្រ និងដែនអាកាសក្នុង តំបន់សមុទ្រចិនភាគខាងត្បូង ។
អ្នកនាំពាក្យក្រសួងការបរទេសចិន បានប្រកាសថា ស្ថានភាពវិបត្ដិនៅដែន សមុទ្រចិនភាគខាងត្បូងចាំបាច់ត្រូវតែ ដោះស្រាយដោយការចរចារវាងភាគី ពាក់ព័ន្ធ។ ស្ថានភាពបច្ចុប្បន្ននៅដែន សមុទ្រចិនភាគខាងត្បូងគឺមានសុខសន្ដិភាព បើទោះបីនៅមានវិវាទមួយចំនួន រវាងចិននឹងប្រទេសអាស៊ានក៏ដោយ ។
កន្លងមកចិនបានប្រកាសថា អាមេ រិកនិងឥណ្ឌាមិនត្រូវព្រួយបារម្ភពីសេរី ភាពចរាចរណ៍លើដែនសមុទ្រ និងដែន អាកាសនៅតំបន់សមុទ្រចិនភាគខាងត្បូង នោះឡើយ។ ការប្រកាសរួមរវាងអាមេ រិកនឹងឥណ្ឌាមិនបាននិយាយផ្ទាល់ដល់ ប្រទេសចិននោះឡើយគឺគ្រាន់តែបង្ហាញ ភាគខាងត្បូងតែប៉ុណ្ណោះ ។
ចិនបង្ហាញការព្រួយបារម្ភយ៉ាងខ្លាំង ខ្លាចអាមេរិក-ឥណ្ឌាលូកដៃចូលក្នុងស្ថាន ភាពដែនសមុទ្រខាងត្បូងដែលជាទីលានផ្ទះរបស់ចិន ជាផលប្រយោជន៍ចម្បង បំផុតក្នុងការអភិវឌ្ឍសេដ្ឋកិច្ចចិនឱ្យក្លាយ ទៅជាប្រទេសមហាអំណាចសេដ្ឋកិច្ចនៅ លើពិភពលោកនាពេលអនាគត ។
អ្វីដែលចិនកាន់តែព្រួយបារម្ភជាង នេះទៅទៀតនោះគឺឥណ្ឌាបានឯកភាព លក់កាំជ្រួចមីស៊ីលឱ្យវៀតណាមនិងជំរុញ ឱ្យមានសកម្មភាពយាមល្បាតនៅតាម ដែនសមុទ្រ។ សារព័ត៌មានឥណ្ឌាអ៊ិច ស្ព្រេសកាលពីថ្ងៃទី២៩ ខែមករា បានផ្សព្វ ផ្សាយថា ឥណ្ឌា-អាមេរិកមានគម្រោង ជួយដល់ប្រទេសជាច្រើនក្នុងតំបន់អា ស៊ានដែលមានវិវាទជាមួយចិន ពិសេស គឺការសម្រេចលក់មីស៊ីលទៅឱ្យប្រទេសវៀតណាម គឺភាគីឥណ្ឌាដែលចិនចាត់ ទុកថា ជាសកម្មភាពជំរុញឱ្យមានអសន្ដិ សុខនៅក្នុងតំបន់។ ការគាំទ្រដល់ប្រទេស ដែលមានវិវាទជាមួយចិនជាសកម្មភាព ដែលភាគីចិនមិនអាចទទួលយកបាន ឡើយ ៕ ម៉ែវ សាធី
