ភ្នពេញ៖ នៅវេលាម៉ោង១២នឹង៥០នាទីថ្ងៃទី១៥ ខែមីនា ឆ្នាំ២០១៦នេះ បុរសម្នាក់ត្រូវបានគេប្រទះឃើញអណែ្តតទឹកនៅចំណុចមាត់ទន្លេបាសាក់ចុងច្រាងខាងក្រោយរោងសេះក្បែរសាលមហោស្រពកោះពេជ្រ ភូមិ១៤ក្រុម៧៨សិ្ថតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ប្រភពពត៌មានពីកន្លែងកើតហេតុបានឱ្យដឹងថា​ នៅមុនពេលកើតហេតុគេបានឃើញប្រទះឃើញសពបុរសម្នាក់អណែតទឹកមិនដឹងថាអណែតមកពីណានោះទេក៏បានមកជាប់នៅនឹងកុំភ្លោកក្រោយរោងសេះក្បែរសាលមហោស្រពកោះពេជ្រ ។

សពមានឈ្មោះ ត្រឹង អាន់ហោ អាយុ២៣ឆ្នាំ មុខរបរជាងកាត់សក់ ជាជនជាតិវៀតណាមស្នាក់នៅផ្ទះលេខ៣៥Eo​ ផ្លូវលេខ១៣៤ ក្នុងសង្កាត់មនោរម្យ ខណ្ឌ៧មករា រាជធានីភ្នំពេញ។

ក្រោយពេលកើតហេតុសមត្ថកិច្ចបានចុះទៅពិនិត្យរួចហើយទើបប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។

គួរបញ្ចាក់ថា សពបុរសអណែ្តតទឹកខាងលើនេះនៅម៉ោង៩ព្រឹកថ្ងៃទី១៣ ខែមីនា ឆ្នាំ២០១៦ កន្លងមក បុរសខាងលើបានមកឡើងលើស្ពានព្រះមុនីវង្សតែមិនដឹងមូលហេតុស្រាប់តែលូតពីលើស្ពានតែម្ដង រហូតមកដល់ថ្ងៃកើតហេតុខាងលើក៏ស្រាប់តែត្រូវគេប្រទះឃើញសពអណែ្តតទឹកនៅចំណុចមាត់ទន្លេបាសាក់ចុងច្រាងខាងក្រោយរោងសេះក្បែរសាលមហោស្រពកោះពេជ្រ៕ ស រស្មី