ខេត្តកំពង់ឆ្នាំង ៖ លោកតាចំណាស់ម្នាក់បានស្លាប់ភ្លាមៗនៅកន្លែងកើតហេតុ បន្ទាប់ពីលោកតារងគ្រោះរូបនេះឆក់និងម៉ូទ័រស្វាន ។ ហេតុការណ៍នេះបានកើតឡើងកាលពីវេលាម៉ោងជាង១១ ថ្ងៃទី១១ខែមិថុនា ឆ្នាំ២០២១ នៅភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ។
សមត្ថកិច្ចបានឱ្យដឹងថា លោកតារងគ្រោះមានឈ្មោះ ទេព ហេង ភេទប្រុសអាយុ៧៣ឆ្នាំ មានទីលំនៅភូមិឃុំកើតហេតុខាងលើ ។
ប្រជាពលរដ្ឋនៅកន្លែងកើតហេតុបានឱ្យដឹងថា នៅមុនពេលកើតហេតុ ជនរងគ្រោះបានយកម៉ូទ័រស្វានមកប្រើ ពេលដែលកំពុងប្រើក៍ឆ្លងចរន្តនៅក្នុងម៉ូទ័រនេះ ក៍បណ្តាលជនរងគ្រោះនេះបណ្តាលឱ្យប្រកាច់ស្លាប់ភ្លាមៗតែម្តង ។
ក្រោយពេលកើតហេតុ ក៍បានរាយការណ៍ទៅអាជ្ញាធរនិងសមត្ថកិច្ច ក្រោយពីពិនិត្យសាកសពសមត្ថកិច្ចបាន បញ្ជាក់ថា ជនរងគ្រោះពិតជាស្លាប់ដោយសារឆក់និងម៉ូទ័រស្វាននេះពិតប្រាកដមែន ។ និងបានប្រគល់សពជូនក្រុមគ្រួសារយកទៅធ្វើបុណ្យ តាមប្រពៃណី ៕

ដោយ៖ ចន្ថា