ភ្នំពេញ៖ អគ្គិភ័យឆាបឆេះផ្ទះប្រជាពលរដ្ឋអស់ ៣ខ្នង ទាំងស្រុង ដោយពុំទាន់ដឹងមូលហេតុ ។ហេតុការណ៍នេះ បានកើតឡើង កាលពីម៉ោង ៩ និង ៥០នាទីយប់ ថ្ងៃទី១១ ខែមិថុនា ឆ្នាំ២០២១ នេះនៅជិតបុរីសន្តិភាព២ ក្នុងភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ ។
ប្រភពព័ត៌មាននៅកន្លែងកើតហេតុបានឲ្យដឹងថា ផ្ទះដែលត្រូវភ្លើងឆាបឆេះមុនគេ គឺគឺជាប្រភេទផ្ទះឈើលើថ្មក្រោម ដែលគ្មានមនុស្សនៅ បន្ទាប់មក បានឆេះរាលដល់ផ្ទះ ដែលស្ថិតនៅជាប់គ្នានោះ ជាបន្តបន្ទាប់។
អគ្គិភ័យនេះ បានឆាបឆេះខណៈដែលមេឃ កំពុងធ្លាក់ភ្លៀង
ដោយឡែក ការឆាបឆេះនេះ នៅពុំទាន់ត្រូវបានគេដឹងថា បណ្ដាលមកពីមូលហេតុអ្វីច្បាស់លាស់នៅឡើយទេ។ ប៉ប៉ុន្តែជំហានដំបូងគេបានសង្ស័យថា ជាករណីឆ្លងចរន្តអគ្គិសនី។
ប្រជាពលរដ្ឋរស់នៅកន្លែងភ្លើងឆេះផ្ទះនោះ បានឲ្យដឹងថា នៅពេលមានការឆាបឆេះភ្លាម ប្រជាពលរដ្ឋបាននាំគ្នាដងទឹក ដែលមាននៅនឹងកន្លែងកើតហេតុនោះ ជះពន្លត់ ព្រមទាំងមានជំនួយពីក្រុមរថយន្តពន្លត់អគ្គិភ័យផង ទើបភ្ផ្ចទើបភ្លើងរលត់ទៅវិញហើយចំនួន៣ខ្នងត្រូវបានអគ្គីភ័យឆាបឆេះអស់ទាំងស្រុង៕
ដោយ៖ ជ្រោយពេជ្រ
