ខេត្តកំពត ៖ នៅវេលាម៉ោង១៦និង៣០នាទីថ្ងៃទី១១ ខែមិថុនា ឆ្នាំ២០២១មានករណីគ្រោះថ្នាក់ចរាចរណ៍មួយបានកើតឡើងលើកនៅលើកំណាត់ផ្លូវជាតិលេខ៣កំពត ភ្នំពេញស្ថិតនៅចន្លោះបង្គោលគីឡូម៉ែត្រ១៣៨+១៣៩ស្ថិតនៅក្នុងស្រុកទឹកឈូខេត្តកំពត រវាងរថយន្តនិងរថយន្ត៣គ្រឿងបុកតគ្នា មានទិសដៅផ្ទុយគ្នា ។
សមត្ថកិច្ចនៅកន្លែងកើតហេតុបានបញ្ជាក់ឲ្យដឹងថារថយន្តបង្កគ្រោះថ្នាក់ទាំងបីខាងលើមាន
១.រថយន្តបង្ករម៉ាកLXS 570 ពណ៌ស ពាក់ស្លាកលេខភ្នំពេញ 2B.3456 បើកបរដោយឈ្មោះលឹម ស៊ីឌឿនភេទប្រុសអាយុ ៤២ ឆ្នាំនៅភូមិហនុមានឃុំកណ្ដឹងស្រុកបាទីខេត្តតាកែវ រថយន្តខូចខាតកម្រិតធ្ងន់អ្នកបើកបររងរបួសស្រាលរួមដំណើរជាមួយ ៣ នាក់ប្រុសជាជនជាតិចិនមិនបានស្គាល់ឈ្មោះរបួសធ្ងន់ 2 នាក់បញ្ជូនទៅមន្ទីរពេទ្យភ្នំពេញ។
២.រថយន្តម៉ាកដេវូពណ៌ស ខៀវពាក់ស្លាកលេខកណ្ដាល 2A2578 កន្ទុយរម៉កពាក់ស្លាកលេខកំពង់ស្ពឺ4A0425 បើកបរដោយឈ្មោះជុំ គង់ ភេទប្រុសអាយុ ៣៤ ឆ្នាំនៅភូមិខ្សុំឃុំបន្ទាយដែកស្រុកកៀនស្វាយខេត្តកណ្ដាលរងរបួសបាក់ដៃឆ្វេងបញ្ជូនទៅមន្ទីរពេទ្យបង្អែកខេត្តកំពត មានទិសដៅពីត្បូងទៅជើង។
៣.រថយន្តម៉ាកFUSOពណ៌សពាក់ស្លាកលេខព្រះសីហនុ3A.1314 បើកបរដោយឈ្មោះមាង សារ័ត្ថភេទប្រុសអាយុ២១ឆ្នាំរស់នៅភូមិទឹកក្រហមឃុំកណ្ដោលស្រុកទឹកឈូខេត្តកំពត របួសធ្ងន់រួមដំណើរជាមួយ២នាក់។
_ឈ្មោះមាង សារ៉ូ ភេទប្រុសអាយុ 25 ឆ្នាំរស់នៅភូមិទឹកក្រហមឃុំកណ្ដោលស្រុកឈូកខេត្តកំពតរងរបួសធ្ងន់និងម្នាក់ទៀតមិនបានស្គាល់ឈ្មោះអ្នកទាំង៣បានបញ្ជូនទៅមន្ទីរពេទ្យបង្អែកខេត្តកំពត។
រីឯវត្ថុតាងរថយន្តទាំង៣បានយកទៅរក្សាទុកនៅប៉ុស្តិ៍នគរបាលរដ្ឋបាលថ្មីដើម្បីរង់ចាំធ្វើការដោះស្រាយតាមនីតិវិធី៕

ដោយ៖ ស សម