ភ្នំពេញ៖ ជនសង្ស័យម្នាក់ដែលទើបចេញពីគុកបាន១ខែដោយចោទពីបទមនុស្សឃាត់ត្រូវបានប្រជាពលរដ្ឋចាប់វាយស្ទើរស្លាប់ទើបប្រគលឲ្យសមត្ថកិច្ចបន្ទាប់ពីជនសង្ស័យម្នាក់នោះបានធ្វើសកម្មភាពកាច់សោ.កម៉ូតូបានសម្រេច​ កាលពីវេលាម៉ោង១១ និង១០នាទី​ ព្រឹកថ្ងៃទី១៧ ​ខែមីនា​ ឆ្នាំ​២០១៦​ នៅចំណុចបន្ទប់ជួលមួយកន្លែង​ ភូមិត្រពាំងថ្លឹង​ សង្កាត់ចោមចៅ ​ខណ្ឌពោធិ៍​សែន​។

ជនសង្ស័យឈ្មោះ កូយ​ វុធ​ ហៅម៉ាប់ ​ភេទប្រុស អាយុ២៩ឆ្នាំ​ស្នាក់នៅម្តុំបូរីកីឡា សង្កាត់វាល់វង់​ ខណ្ឌ៧មករា​ មានស្រុកកំណើតនៅភូមិបារាយណ៍​ ឃុំបារាយណ៍​ ស្រុកស្រីធកណ្តាល ខេត្តព្រៃវែង​។ ចំណែកជនរងគ្រោះជាម្ចាស់ម៉ូតូឈ្មោះកែង​ ម៉ៅ​ ភេទប្រុសអាយុ២៤ឆ្នាំ​ មុខរបរជាងឈើ​ ស្នាក់នៅកន្លែងកើតហេតុ​ មានស្រុកកំណើតនៅខេត្តព្រៃវែង៕

ដោយ៖ សុខាសែនជ័យ