🗳បារាំងចាប់ផ្តើមបោះឆ្នោតតំបន់(ឃុំសង្កាត់)ជុំទីពីរ

ចែករំលែក៖

នៅថ្ងៃទី២៧ខែមិថុនា ពលរដ្ឋបារាំងបាននាំគ្នាទៅបោះឆ្នោតតំបន់ ជុំទីពីរ។ ការបោះឆ្នោតត្រូវបានគេចាត់ទុកថានឹងធ្វើឲ្យផ្លាស់ប្តូរតុល្យភាពអំណាចនៅក្នុងនៅក្នុងប្រទេសបារាំង មុនពេលបោះឆ្នោត ប្រធានាធិបតី នៅឆ្នាំ ២០២២។

ខុសពីការបោះឆ្នោតជុំទីមួយកាលពីថ្ងៃទី ២០ខែមិថុនាកន្លងមក ពលរដ្ឋបារាំងទៅបោះឆ្នោតជុំទីពីរ ច្រើនជាងជុំទីមួយ។ តាំងពីព្រឹក ពលរដ្ឋជាច្រើននៅទីក្រុងប៉ារីស បានទៅកាន់ការិយាល័យបោះឆ្នោត រងចាំ ការិយាល័យបើកទ្វារ ដើម្បីបានចូលបោះឆ្នោតមុនគេ។
លទ្ធផលបោះឆ្នោតជុំទីមួយ បានបង្កការខកចិត្តយ៉ាងខ្លាំងដល់គណបក្សរបស់ប្រធានាធិបតី ម៉ាក្រុង ព្រមទាំងគណបក្សប្រឆាំង ដឹកនាំដោយលោកស្រី Le Pen។
គណបក្សរបស់ប្រធានាធិបតី ម៉ាក្រុង មិនបានយកឈ្នះឡើង នៅក្នុងតំបន់ទាំង១៣ សំខាន់ៗនៅក្នុងប្ណែប្រទេសបារាំងចំណែក គណបក្សរបស់លោកស្រី Le Pen ទទួលបានជ័យជម្នះតែតំបន់មួយគត់នៅភាគខាងអាគ្នេយ៍ប្រទេសបារាំង ទាំងនោះគឺស្ថិតនៅក្រៅ ការព្យាករណ៍ និងការស្ទង់មតិមុនពេលបោះឆ្នោត ។
ការបោះឆ្នោតជុំទីមួយ បានបង្ហាញយ៉ាងច្បាស់ថា ការវិលត្រឡប់មកវិញកាន់តែខ្លាំងរបស់គណបក្សប្រឆាំង ដែលត្រូវគណបក្សរបស់ប្រធានាធិបតីមាក្រុងយកឈ្នះក្នុងការបោះឆ្នោតកាលពីឆ្នាំ ២០១៧ ។
ការបោះឆ្នោតឆ្នាំនេះ នៅបារាំងគឺបានពន្យាពេល តាំងពីខែមីនាឆ្នាំ ២០២១ ដោយសារតែរងផលប៉ះពាល់ដោយកូវីដ ១៩ ។ តាមគម្រោង ការបោះឆ្នោតជ្រើសរើសប្រធានាធិបីតបារាំងនឹងត្រូវធ្វើឡើងនៅរដូវក្តៅឆ្នាំ ២០២២៕