និស្សិតអាមេរិកដែលកូរ៉េខាងជើងបានចាប់ខ្លួនកាលពីខែមករា ឆ្នាំ២០១៦ ត្រូវបានតុលាការកូរ៉េខាងជើងកាត់ទោសជាប់ពន្ធនាគាពលកម្មរយៈពេល១៥ឆ្នាំ ដោយរងការចោទប្រកាន់ពីបទមានសកម្មភាពប្រឆាំងកូរ៉េខាងជើង ។ និស្សិតអាមេរិ ឈ្មោះ Otto Warmbierអាយុ២១ឆ្នាំឲ្យជាប់ពន្ធនាគារនិងធ្វើការជាទម្ងន់ចំនួន១៥ឆ្នាំពីបទក្រោយពេលដែលបានបានសារភាពថាខ្លួនបានលូចសម្ភារៈសំរាប់ធ្វើការឃោសនានៅក្នុងសណ្ឋាគារមួយនៅក្រុងព្យុងយ៉ាង ។
សារព័ត៌មានរ៉េខាងជើង KCNA បានផ្សាយថា លោកOtto Warmbier ដែលជានិស្សិតនៅសកលវិទ្យាល័យអាមេរិក Virginia ត្រូវបានប្រកាសដោយតុលាការកំពូលកូរ៉េខាងជើង កាត់ទោសក្រោយជាប់ចោទថែមទាំងបានទទួលស្គាល់បទល្មើសដ៏ធ្ងន់ធ្ងររបស់ខ្លួន”នេះជាការបញ្ជាក់បន្ថែមរបស់ទីភ្នាក់ងារព័ត៌មានកូរ៉េខាងជើង តែដោយពុំបានលម្អិតអ្វីទៀតទេ។
និស្សិត Otto Warmbierត្រូវបានអាជ្ញាធរកូរ៉េខាងជើងចាប់ខ្លួនកាលពីខែមករានៅខណៈពេលដែលយុវជនអាមេរិកាំងរូបនេះហៀបចាកចេញពីកូរ៉េខាងជើង។ យុវនិស្សិតនេះបានសារភាពដែរថាខ្លួនបានលួចយកបដាមួយដែលចារជាពាក្យស្លោកនយោបាយនៅក្នុងតំបន់មួយដែលគេរក្សាទុកឲ្យតែបុគ្គលិកបំរើការងារនៅសណ្ឋាគារនៅក្រុងព្យុងយ៉ាង។យោងតាមប្រព័ន្ធផ្សព្វផ្សាយកូរ៉េខាងជើង Otto Warmbierបានបន្លំខ្លួនជាអ្នកទេសចរធ្វើដំណើរទៅកូរ៉េខាងជើងតាមបញ្ជាររបស់ទីក្រុងវ៉ាស៊ីនតោនដើម្បីធ្វើសកម្មភាពវិទ្ធង្សនានានាប្រឆាំងនឹងកូរ៉េខាងជើង។
ការចាប់ខ្លួនយុវជនអាមេរិកាំងនេះត្រូវបានប្រព្រឹត្តទៅនៅក្នុងបរិបទមួយដែលកូរ៉េខាងជើងកំពុងមានភាពតានតឹងជាមួយសហគមន៍អន្តរជាតិជាពិសេសជាមួយអាមេរិកាំងដែលបានដឹកនាំក្នុងការបញ្ចុះបញ្ចូលឲ្យសហគមន៍អន្តរជាតិដាក់ទណ្ឌកម្មជាទម្ងន់បន្ថែមទៀត ទៅលើកូរ៉េខាងជើងក្រោយពីរបបព្យុងយ៉ាងបានបាញ់សាកល្បងគ្រាប់បែកនុយក្លេអ៊ែរជាលើកទី៤ កាលពីដើមខែមករា កន្លងមក ៕
ប្រែសម្រួល៖ ម៉ែវ សាធី
