ភ្នំពេញ៖ បុរសម្នាក់បានរងរបួសបាក់.កជើងដោយសាររថយន្តក្រុងដឹកភ្ញៀវទេសចរណ៍ភ្នំពេញ-វៀតណាមបើកមកពីក្រោយហ្វ្រាំងមិនទាន់កិនពីលើ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១២ និង៣០នាទីថ្ងៃទី១៧ ខែមីនា ឆ្នាំ២០១៦ នៅចំណុចចន្លោះគីឡូម៉ែត្រលេខ36-37 ភូមិជ័យឧត្តម2 ឃុំសំរោងធំ ស្រុកកៀនស្វាយ ខេត្តកណ្តាល។

ជងរងគ្រោះមានឈ្មោះ ខុន ឃុត អាយុ26ឆ្នាំរស់នៅភូមិព្រៃសង្គម ឃុំច្រេះ ស្រុកមេសាង ខេត្តព្រៃវែង (រងរបួសបាក់.កជើងខាងស្តាំ) និងម្នាក់ទៀតឈ្មោះផេន សុហេង ភេទប្រុស អាយុ21ឆ្នាំរស់នៅភូមិឃុំជាមួយគ្នា(ជិះពីក្រោយរងរបួសស្រាល)។

តាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះបើកម៉ូតូមួយគ្រឿងម៉ាកហុងដាឌ្រីម C125 ពណ៌ខ្មៅ ពាក់ស្លាកលេខភ្នំពេញ1CI-9563 បើកបរដោយឈ្មោះខុន ឃុត និងម្នាក់ទៀតឈ្មោះផេន សុហេង ធ្វើដំណើរក្នុងទិសដៅពីបាវិតមកភ្នំពេញមកដល់ចំណុចកើតហេតុក៏គេចអ្នកជិះកង់ក្នុងទិសដៅស្របគ្នាបណ្តាលឲ្យម៉ូតូជងរងគ្រោះដួលទៅលើផ្លូវរថយន្តស្របពេលនោះក៏មានរថយន្តក្រុងដឹកភ្ញៀវទេសចរណ៍ ភ្នំពេញ-វៀតណាមមួយគ្រឿងពណ៍ស-ក្រហមពាក់ស្លាកលេខភ្នំពេញ3C-6336 មកពីក្រោយក៏ចាប់ហ្វ្រាំងមិនទាន់ក៏កិនពីលើបុរសម្នាក់បណ្តាលឲ្យរងរបួសធ្ងន់ធ្ងរ។ ចំណែកអ្នកបើកបររថយន្តបង្ករត់គេចខ្លួនបាត់ស្រមោល។

ក្រោយកើតហេតុសមត្ថកិច្ចបានចុះទៅដល់កន្លែងកើតហេតុរួចធ្វើការវាស់វែង រីឯជនរងគ្រោះត្រូវបានបញ្ជូនទៅកាន់មន្ទីរពេទ្យកាលម៉ែតភ្លាមៗ៕

ដោយ៖ សុវណ្ណារ៉ា