ខេត្ដស្វាយរៀង៖ ក្រោយពីសារព័ត៌មានក្នុងស្រុក បានចុះផ្សាយពីលោក យឹម ថេង ម្ចាស់បទ “លក់ស្រូវ ជូនរដ្ឋ គឺស្នេហាជាតិ” ក្នុងទសវត្សរ៍ឆ្នាំ១៩៨០ នាសម័យរដ្ឋកម្ពុជាបានធ្លាក់ខ្លួនឈឺធ្ងន់ ហើយត្រូវបានក្រុមគ្រួសារបញ្ជូនមកសង្គ្រោះ និងព្យាបាលនៅមន្ទីរពេទ្យ មិត្ដភាខ្មែរ-សូវៀត (មន្ទីរពេទ្យរុស្ស៊ី)រួចមក ។
លោកជៀង អំ អភិបាលខេត្តស្វាយរៀង ក៏បានមើលឃើញពីទុក្ខលំបាកជីវភាពខ្វះខាត និងមានជំងឹរបស់លោកយឹម ថេង ម្ចាស់បទ“លក់ស្រូវ ជូនរដ្ឋគឺស្នេហាជាតិ” ក្នុងទសវត្សរ៍ឆ្នាំ ១៩៨០នោះ ក៏បានឧបត្ថមថវិការផ្ទាល់ខ្លួនរបស់លោកចំនួន៤០ម៉ីនរៀលជូនដល់យឹមថេងដែលកំពុងមានជំងឺសំរាកព្យាបាលនៅមន្ទីរពេទ្យមិត្តភាពខ្មែរ សូវៀតផងដែរ ។
ក្នុងឱកាសនោះ លោកយឹម ថេង ម្ចាស់បទ “លក់ស្រូវជូនរដ្ឋគឺស្នេហាជាតិ” ក៏បានលើកម្រាមដៃ១០ ថ្លែងអំណរគុណ ដល់លោកជៀង អំ អភិបាលខេត្តស្វាយរៀង និងលោកស្រី ដែលបានឧបត្ថមដល់រូបលោក សំរាប់ព្យាបាលជំងឺ និងទិញថ្នាំសង្កូវហើយសូមអោយលោកជៀង អំ ជួបតែសំណាងល្អគ្រប់ពេលវេលា កុំបីឃ្លៀងឃ្លាតឡើយ ។
សូមរំលឹកឡើងវិញថា ម្ចាស់បទ “លក់ស្រូវជូនរដ្ឋគឺស្នេហាជាតិ” បាន ធ្លាក់ខ្លួនឈឺធ្ងន់ ត្រូវបានបញ្ជូនមកកាន់ មន្ទីរពេទ្យមិត្ដភាពខ្មែរ-សូវៀត ៕
ដោយ៖ យឹម សុថាន
