ប្រជាពលរដ្ឋស្ទើរទូទាំងក្របខណ្ឌប្រទេស បង្ហាញនូវមតិនិងទស្សនៈអាណិតអាសូរយ៉ាងខ្លាំងចំពោះសត្វតោ ត្រូវបានគណៈកម្មការចម្រុះយកទៅចិញ្ចឹមនៅឧទ្យានជាតិភ្នំតាម៉ៅស្រុកបាទីខេត្តតាកែវ ឃើញថាទឹកចិត្តប្រជាពលរដ្ឋ បង្ហាញនូវមនោសញ្ចេតនាយ៉ាងខ្លាំងយ៉ាងពន់ពេក អាណិតសត្វតោមួយក្បាលនោះ ដោយសារការចាកចេញពីម្ចាស់មិនស៊ីចំណីអ្វីទាំងអស់ ។ សត្វតោមួយក្បាលនេះ មិនត្រឹមតែនឹកម្ចាស់ដែលបានចិញ្ចឹមប៉ុណ្ណោះទេ សូម្បីតែសត្វឆ្កែដែលរស់នៅជាមួយគ្នាក្នុងផ្ទះ ក៏នឹកស្រលាញ់ រហូតដល់មានការបង្ហោះតាមរយៈបណ្ដាញទំនាក់ទំនងសង្គម facebook ស្នើសុំឲ្យសមត្ថកិច្ចនិងអាជ្ញាធរពាក់ព័ន្ធមេត្តាផ្ដល់ឱ្យម្ចាស់ចិញ្ចឹមវិញ។ 

ចុងក្រោយ នៅវេលាម៉ោង ១០ និង ៥០នាទីយប់ថ្ងៃទី ០៤ខែកក្កដាឆ្នាំ ២០២១ សម្ដេចតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានបង្ហោះលើផេកផ្លូវការយ៉ាងដូច្នេះថា  «ក្រោយក្តាប់បានរឿងសត្វ តោ។ ល្ងាចនេះខ្ញុំបានពិភាក្សាជាមួយរដ្ឋមន្ត្រីក្រសួងកសិកម្ម និងបានឯកភាពគ្នាថាអនុញ្ញាតឱ្យ ម្ចាស់យកទៅចិញ្ចឹមវិញក្នុងលក្ខណ្ឌម្ចាស់ត្រូវធ្វើ ទ្រុងឱ្យបានត្រឹមត្រូវដើម្បីធានាសុវត្តិភាព ទាំងមនុស្សក្នុងផ្ទះ និងអ្នករស់នៅជិតខាង។

អរគុណបងប្អូនជនរួមជាតិទាំងក្នុងនិងក្រៅ

ប្រទេសដែលបានផ្តល់យោបល់និងអាណិត

ដល់សត្វតោ»។ 

ក្រោយពីមានការបង្ហោះលើហ្វេសប៊ុកសម្ដេចតេជោហ៊ុនសែន មជ្ឈដ្ឋានទូទៅរបស់ប្រជាពលរដ្ឋ សំដែងនូវការអបអរសាទរ និងគាំទ្រនូវអនុសាសន៍របស់សម្ដេចតេជោហ៊ុនសែន ដែលបានពិភាក្សាជាមួយនឹងស្ថាប័នជំនាញដើម្បីទុកលទ្ធភាពឲ្យសត្វតោមួយក្បាលនេះឲ្យម្ចាស់ចិញ្ចឹមតាមលក្ខណៈបច្ចេកទេសឲ្យបានត្រឹមត្រូវ៕

ដោយ៖សុខេមរា