ភ្នំពេញ៖ ជនសង្ស័យជាមុខសញ្ញាលួចម៉ូតូម្នាក់ក្នុងចំណោមជនសង្ស័យ៣ត្រូវបានកម្លាំងល្បាតធ្វេីការឃាត់ខ្លួនយកទៅសួរនាំនិងដកហូតសម្ភារឆ្កឹះសោរម៉ូតូមួយចំនួន។
ហេតុការណ៍នេះបានធ្វេីឡេីងកាលពីវេលាម៉ោង៣និង១៥នាទីទាបភ្លឺ ថ្ងៃទី២១ ខែកក្កដា ឆ្នាំ២០២១ នៅក្នុងភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ ។
ជនសង្ស័យដែលឃាត់ខ្លួនឈ្មោះហេង សេងហួ ភេទប្រុសអាយុ២៤ឆ្នាំ មុខរបរមិនពិតប្រាដក ស្នាក់នៅភូមិចោមចៅទី៣ សង្កាត់ចោមចៅទី២ ខណ្ឌពោធិ៍សែនជ័យ។
ទី២ឈ្មោះអាតាស ភេទប្រុសអាយុ២៧ឆ្នាំ គេចខ្លួនបាត់។
ទី៣ឈ្មោះអាសូ ភេទប្រុសអាយុ២៣ឆ្នាំមុខ របរមិនពិតប្រកដ គេចខ្លួនបាត់។
តាមប្រភពព័ត៌មានបានឱ្យដឹងថា មុនពេលកេីតហេតុកម្លាំងល្បាតរបស់ប៉ុស្តិ៍នគរបាលចោមចៅទី២ បានចុះល្បាតក្នុងភូមិសាស្ត្រងាយរងគ្រោះ បន្ទាប់មកក៏ឃេីញម៉ូតូមួយគ្រឿងម៉ាកគុបជ្រុង ពណ៌ទឹកប៉ិច ជិះគ្នា៣នាក់ ភ្លាមនោះកម្លាំងក៏ហៅឱ្យឈប់ដេីម្បីត្រួតពិនិត្យ តែពួកគេមិនព្រមឈប់ក៏ព្យាយាមរត់គេចខ្លួនទេីបកម្លាំងសមត្ថកិច្ចដេញរហូតចាប់បានម្នាក់ចំណែក២នាក់ទៀតរត់គេចខ្លួនបាត់។
ក្រោយឃាត់ខ្លួនបានសមត្ថកិច្ចបានឆែកឆេរកឃេីញដែកសម្រាប់ឆ្កឹះសោរកម៉ូតូមួយចំនួន ទេីបធ្វេីការឃាត់ខ្លួនបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
ដោយ៖ សុខាសែនជ័យ
