ភ្នំពេញ៖ លោកបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ សមាជិកគណៈកម្មាធិការកណ្តាល និងជាប្រធានក្រុមការងារចុះជួយមូលដ្ឋានខណ្ឌចំការមន នាព្រឹកថ្ងៃទី២១ ខែកក្កដា ឆ្នាំ២០២១នេះ បានអញ្ជើញដឹកនាំកិច្ចប្រជុំក្រុមការងារចុះជួយមូលដ្ឋានខណ្ឌចំការមន តាមរយៈប្រព័ន្ធរូបភាព និងសំលេងផ្ទាល់ (ZOOM Meeting) ។
ក្នុងកិច្ចប្រជុំនេះ ដើម្បីពិភាក្សាលើមួយចំនួនមានដូចខាងក្រោម៖
*១.ផែនការចាត់តាំងអនុវត្តសេចក្តីសម្រេចស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាសង្កាត់អាណត្តិទី៥ ឆ្នាំ២០២២ របស់គណៈកម្មាធិការគណបក្សខណ្ឌចំករមន។
*២.ផែនការសកម្មភាពឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៥ ឆ្នាំ២០២២ របស់គណៈកម្មាធិការគណបក្សខណ្ឌចំការមន។
*៣.សេចក្តីសម្រេចស្តីពីការតែងតាំងគណ:បញ្ជាការយុទ្ធនាការឃោសនាបោះឆ្នោតក្រុមប្រឹក្សាសង្កាត់ អាណត្តិទី៥ ឆ្នាំ២០២២ របស់ខណ្ឌចំការមន។
*៤.ផ្សេងៗ។
ចំពោះកិច្ចប្រជុំនេះ ដោយបានយកចិត្តទុកដាក់ពិនិត្យលេីផែនការ និងប្តេជ្ញាចិត្តខ្ពស់ ដេីម្បីសម្រេចបានជ័យជម្នះជូនគណបក្សប្រជនកម្ពុជា ក្នុងការបោះឆ្នោតនាពេលខាងមុខឲ្យបានជាដាច់ខាត។
ជាចុងក្រោយ លោករដ្ឋមន្ត្រី ក៏សូមជូនពរក្រុមការងារឱ្យមានសុខភាពល្អ និងជ័យជម្នះគ្រប់ភារកិច្ច៕ដោយ៖សហការី
