ខេត្តកំពង់ស្ពឺ៖ មុខសញ្ញាជួញដូរគ្រឿងញៀនចំនួន២នាក់ត្រូវបាននគរបាលស្រុកសំរោងទងធ្វើការឃាត់ខ្លួនខណៈជនទាំង២កំពុងធ្វើសកម្មភាព។
ការឃាត់ខ្លួននេះធ្វើឡើងកាលពីវេលាម៉ោង១៦ និង៣០នាទីនៅថ្ងៃទី២១ ខែមីនា ឆ្នាំ២០១៦ នៅចំណុចផ្ទះជួល ភូមិព្រៃផ្ដៅ ឃុំត្រពាំងគង ស្រុកសំរោងទង ខេត្តកំពង់ស្ពឺ។
លោកវរសេនីយ៍ទោ ឃុត សុល ឣធិការនគរបាលស្រុកបានឲ្យដឹងថាជនសង្ស័យ មាន ទី១ឈ្មោះហេង ស៊ីម៉ី ភេទប្រុស អាយុ២៣ឆ្នាំ និងទី២ឈ្មោះ ភឺន គោ ភេទប្រុស អាយុ១៨ឆ្នាំ នៅភូមិខាងលើ និងធ្វើការឆែកឆេ ដកហូតម៉ូតូម៉ាក គុបជ្រុង១គ្រឿង, ម្សៅក្រាមពណ៌ស សង្ស័យថ្នាំញៀនចំនួន០៤កញ្ចប់ តូច០១កញ្ចប់ និងមធ្យម០៣កញ្ចប់, ទូរស័ព្ទ០៤គ្រឿង និងសម្ភារៈប្រើប្រាស់មួយចំនួនទៀត។
លោកឣធិការបន្តថា ប្រតិបត្តិការនេះធ្វើឡើងដោយមានការដឹកនាំពីលោកសុីម រតនៈ អភិបាលស្រុក និងមានការចូលរួមពីលោកមេភូមិ-ឃុំផងដែរ។
បច្ចុប្បន្ននៅព្រឹកថ្ងៃទី២២ខែមីនាឆ្នាំ២០១៦នេះ សមត្ថកិច្ចជំនាញបានកសាងសំណុំរឿងបញ្ជូនទៅជនសង្ស័យទៅកាន់ការិយាល័យជំនាញ ដើម្បីចាត់ការតាមនីតិវិធីបន្ត៕
ដោយ៖ សេនាស័ក្តិ
