ភ្នំពេញ៖ អជ្ញាធរខណ្ឌព្រែកព្នៅ ដឹកនាំដោយលោក ហួត លាភពិសិទ្ធ បានចុះចាប់ទីតាំងល្បែងស៊ីសង ហ្គេមបាញ់ត្រីជ្រកក្រោមស្លាកយីហោ កាហ្វ០០៧ ត្រូវបានលោក ហួត លាភពិសិទ្ធ អភិបាលរងសាលាខណ្ឌព្រែកព្នៅដឹកនាំកម្លាំងចុះចាប់និងដកហូតបានទូរហ្គេមបាញ់ត្រីចំនួនមួយទូរ កាលពីវេលាម៉ោង៩និង៣៥នាទីយប់ថ្ងៃទី២១ ខែមីនា ឆ្នាំ២០១៦ នៅចំណុចទីតាំង ផ្ទះគ្មានលេខ យីហោ កាហ្វេ០០៧ ស្ថិតក្នុងភូមិ មង្គល សង្កាត់និងខណ្ឌ ព្រែកព្នៅ។
តាមសមត្ថកិច្ចបានឲ្យដឹងថា ម្ចាស់ទីតាំងបើកល្បែងខាងលើមានឈ្មោះ ទី នឿយ ភេទប្រុស អាយុ៤២ឆ្នាំ ស្នាក់នៅក្នុងហាងកាហ្វេដែលមានស្លាកយីហោ កាហ្វេ០០៧ ក្នុងការចុះចាប់ទីតាំងទូរហ្គេមបាញ់ត្រីខុសប្បាប់ខាងលើនេះគឺកម្លាំងបានដកហូតទូរហ្គេមបានចំនួនមួយ និងកៅអីចំនួន៤ ផងដែរ ចំពោះការឃាត់ឬក៏បិតទីតាំងបើកល្បែងស៊ីសងខាងលើនេះ មិនមានប្រភពណាមួយអាចបង្ហើបឲ្យដឹងឡើយ។
គួររំលឹកផងដែរថា កាលពីពេលថ្មីៗនេះ សម្តេចអគ្គសេនាបតី តេជោហ៊ុន សែនបានប្រកាសឲ្យ មន្រ្តីគ្រប់លំដាប់ថ្នាក់ទាំងអស់ចូលរួមយ៉ាងសកម្មក្នុងការទប់ស្កាត់ ឲ្យបានរាល់ល្បែងស៊ីសងគ្រប់ប្រភេទដែលមាននៅក្នុងមូលដ្ឋានរបស់ខ្លួន ក៏ប៉ុន្តែទោះជាយ៉ាងណាក៏ដោយ មានមន្ត្រីខ្លះបានអនុវត្តយ៉ាងខ្ជាប់ខ្ជួនមិនហ៊ានធ្វេសប្រហែស ហើយក៏មានមន្ត្រីក្រោមឱវាទមួយចំនួនតូចមិនបានអនុវត្តតាមគោលការណ៍៩ ចំណុចដែលប្រមុខរាជេរដ្ឋភិបាលបានដាក់អោយអនុវត្តនាពេលកន្លងមក ហើយក៏មានមន្ត្រីខ្លះហ៊ានបើកល្បែងស៊ីសងខុសប់ច្បាប់លួចលាក់ថែមទៀតផង។
ប្រជាពលរដ្ឋបានរិះគន់ចំៗទៅលើអាជ្ញាធរថា លោក ឈិនឆៃ គឹមថុយ អធិការខណ្ឌព្រែកព្នៅចាប់តាំងពីលោកមកកាន់តំណែងជាអធិការនគបាលខណ្ឌព្រែកព្នៅ ជាងមួយឆ្នាំកន្លងមកនេះហាក់មិនសូវមានស្នាដៃក្នុងការបង្ក្រាបបទល្មើសនោះទេ ដោយទុកឲ្យមានការបើកល្បែងស៊ីសង ករណីឆក់ និងករណីប្រើប្រាស់ក៏ដូចជាជួញដូរគ្រឿញៀនយ៉ាងអនាធិបតេយ្យក្នុងមូលដ្ឋានទៀតផង។
សមត្ថកិច្ចបានបង្ហើបឲ្យដឹងថា ទីតាំងបើកហ្គេមខាងលើមិនត្រូវបានផ្អាកឬក៏បិទមិនឲ្យធ្វើអាជីវកម្មនោះទេ ចំណែកម្ចាស់ទីតាំងខាងលើបានបញ្ជាក់ថា ទូរហ្គេមនោះត្រូវបានគេមកជួលទីតាំងលួចលាក់ដាក់លេងទេ តែទោះជាយ៉ាងណាក៏ម្ចាស់ហាងកាហ្វេមិនបានបញ្ចេញឈ្មោះឬប្រវត្តិម្ចាស់ ទូរហ្គេមនោះថាជាអ្នកណាច្បាស់លាស់ដែរ៕ ដោយ៖ ព្រែកជ័យ
