ភ្នំពេញ៖ បើយោងតាមផេក Cambodia SEA GAMES 2023 បានបញ្ជាក់អោយដឹងថា, ព្រឹត្ដិការណ៍កីឡាអូឡាំពិក ទីក្រុងតូក្យូ ប្រទេសជប៉ុន ឆ្នាំ២០២០ គិតត្រឹមថ្ងៃទី២៦ ខែកក្កដា ឆ្នាំ២០២១ ម្ចាស់ផ្ទះជប៉ុនបានឡើងឈរកំពូលតារាងបណ្តោះអាសន្នវិញ ដោយដណ្តើមបានមេដាយមាសច្រើនជាងគេ ខណ:ចិនធ្លាក់ទៅលេខ៣វិញ រីឯសហរដ្ឋអាមេរិក ឈរនៅលេខ២។

ចំណាត់ថ្នាក់លេខ១ លេខ២ និងលេខ៣ បណ្តោះអាសន្ន មេដាយមាស៨, ៧ និង៦។

ម្ចាស់ផ្ទះ ជប៉ុន ដែលឈរលើកំពូលតារាងមេដាយ គឺដណ្ដើមបានមេដាយមាសច្រើនជាងគេ គឺសរុបចំនួន ១៣គ្រឿង មាស៨ ប្រាក់២ និងសំរឹទ្ធ ៣គ្រឿង។ លេខ២ សហរដ្ឋអាមេរិក មេដាយសរុប១៤គ្រឿង មាស៧ ប្រាក់៣ និងសំរឹទ្ធ៤គ្រឿង ខណៈប្រទេសចិន សរុប១៨គ្រឿង មាស៦ ប្រាក់៥ និងសំរឹទ្ធ៧។ រីឯលេខ៤ R O C ដណ្តើមបានមេដាយសរុប១២គ្រឿង មាស៤ ប្រាក់៥ និងសំរឹទ្ធ៣គ្រឿង ស្របពេល ប្រទេសអង់គ្លេស ឈរលេខ៥ ដណ្តើមបានមេដាយសរុប ៧គ្រឿង មាស៣ ប្រាក់៣ និងសំរឹទ្ធ១គ្រឿង៕

ដោយ, សិលា