ភ្នំពេញ៖ ស្ត្រីអាជីវករម្នាក់ខណៈលាងធុងក៏បានដោះការបូបលុយទុកនៅលេីធុងទឹកភ្លាមនោះស្រាប់តែមានសង្ស័យម្នាក់ជិះម៉ូតូមកធ្វេីសកម្មភាពឆក់ការបូបលុយបានហេីយព្យាយាមគេចខ្លួនតែត្រូវជនរងគ្រោះស្រែកថាចោរៗផ្អេីលដល់ប្រជាពលរដ្ឋនៅក្បែរដេញចាប់បានភ្លាមៗ កាលពីវេលាម៉ោង១២និង៣០នាទីរសៀលថ្ងៃទី២៧ ខែកក្កដា ឆ្នាំ២០២១ នៅផ្លូវបេតុងកែងនិងមហាវិថីឈ្នះឈ្នះ ក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះម៉ាន រុង ភេទស្រី អាយុ៦០ឆ្នាំ មុនរបរលក់ដូរនៅផ្ទះកន្លែងកេីតហេតុ។
ចំណែកជនសង្ស័យឈ្មោះចាន់ វាសនា ភេទប្រុសអាយុ១៨ឆ្នាំ មុខរបរមិនពិតប្រកដ ស្នាក់នៅសង្កាត់គោករកា ខណ្ឌព្រែកព្នៅ។
តាមសម្តីជនរងគ្រោះបានឱ្យដឹងថា ក្នុងការបូបរបស់គាត់មានលុយចំនួនជាង១០លានរៀលនិងទូរស័ព្ទ២គ្រឿងទៀត នៅ
មុនពេលកេីតហេតុរូបគាត់បានយកការបូបក្រវ៉ាត់ជាប់និងចង្កេះ តែដោយសារអោនលាងធុងមិនកេីតគាត់ក៏បានដោះចេញយកមកដាក់លេីធុងទឹកកកនិងយកមួកដាក់ពីលេីទៀតខណៈកំពុងអោនលាងស្រាប់តែលេចមុខជនសង្ស័យម្នាក់ជិះម៉ូតូហុងដាឌ្រីមសង់ស៊េរីឆ្នាំ២០២១ ពណ៌ខ្មៅ ពាក់ស្លាកលេខភ្នំពេញ1IQ 0671 មកធ្វេីសកម្មភាពឆក់យកការបូបរបស់គាត់បានសម្រេច ភ្លាមនោះរូបគាត់ក៏បានស្រែកថាចោរៗទេីបបង្កការភ្ញាក់ផ្អេីលដល់បងប្អូនប្រជាពលរដ្ឋស្ទាក់ចាប់បានភ្លាមៗតែម្តង។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងនាំជនសង្ស័យទៅសាកសួរបន្តនៅប៉ុស្តិ៍រដ្ឋបាលនគរបាលសំរោងក្រោមដេីម្បីកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យចាត់ការតាមច្បាប់៕
ដោយ៖ សុខាសែនជ័យ
