ភ្នំពេញ៖ គិតត្រឹមម៉ោង ៨:30នាទីព្រឹកថ្ងៃទី២៩ ខែកក្កដា ឆ្នាំ២០២១ ម្ចាស់ផ្ទះជប៉ុន បន្តក្តោបក្តាប់តំណែងលើកំពូលតារាងមេដាយ ដោយកើនឡើងមេដាយមាស១គ្រឿងបន្ថែម សរុប ១៣គ្រឿង (Tokyo Olympics 2020)។

ម្ចាស់ផ្ទះកីឡាអូឡាំពិករដូវក្តៅ ជប៉ុន ដណ្តើមបានមេដាយសរុបបាន២២ គ្រឿង ក្នុងនោះ មេដាយមាស១៣ ប្រាក់៤ និងសំរឹទ្ធិ ៥គ្រឿង តាមពីក្រោយដោយចិន ឈរនៅលេខ២ ដណ្តើមបានមេដាយសរុប ២៧គ្រឿង ក្នុងនោះមេដាយមាស១២ ប្រាក់៦ និងសំរឹទ្ធិ៩។ សហរដ្ឋអាមេរិកឈរនៅលេខ៣ បានមេដាយមាស១១ ប្រាក់១១ និងសំរឹទ្ធិ៩ សរុប៣១គ្រឿង។ R O C ឈរលេខ៤ ដណ្តើមបានមេដាយសរុប២៣គ្រឿង មាស៧ ប្រាក់១០ និងសំរឹទ្ធិ៦, លេខ៥ អូស្រ្តាលី ដណ្តើមបានមេដាយសរុប១៦គ្រឿង មាស៦ ប្រាក់១ និងសំរឹទ្ធិ៩, លេខ៦ ចក្រភពអង់គ្លេស ដណ្តើមបានមេដាយសរុប១៦គ្រឿង មាស៥ ប្រាក់៦ និងសំរឹទ្ធិ៥ ខណៈកូរ៉េខាងត្បូងឈរលេខ៧ ដណ្តើមបានមេដាយសរុប១១គ្រឿង មាស៤ ប្រាក់២ និងសំរឺទ្ធិ៥គ្រឿង ៕

ដោយ, សិលា