ភ្នំពេញ៖ បុរសជនជាតិចិនម្នាក់ស្រវឹងបើករថយន្តlexus rx-400hបុកបង្គោលសំយ៉ាបផ្ទះប្រជាពលរដ្ឋមួយកន្លែងបណ្ដាលឲ្យបាក់ដាច់អស់៣បង្គោលហើយបន្តទៅបុកដើមក្ងោកនឹងរបងផ្ទះប្រជាពលរដ្ឋមួយកន្លែងទៀតបាក់រាយប៉ាយនិងបាក់ដើមក្ងោកជាច្រើនកំណាត់ ឯរថយន្តទៅមុខលែងរួច។

ហេតុការណ៍នេះកើតឡើងកាលពីវេលាម៉ោង ០៩យប់ថ្ងៃទី២៩ ខែកក្កដាឆ្នាំ ២០២១ នៅក្នុងបុរីឈូកវ៉ា២ ផ្លូវលេខ១ ភូមិរុក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីសន្តិសុខយាមនៅក្នុងបូរីកន្លែងកើតហេតុខាងលើបានប្រាប់ឲ្យដឹងថាមុនកើតហេតុគេឃើញបុរសជនជាតិចិនម្នាក់ស្រវឹងស្រាបើករថយន្ត lexus rx-400h ពណ៌ខ្មៅមួយគ្រឿង ពាក់ស្លាកលេខភ្នំពេញ2AD-7050ធ្វើដំណើរទៅដៅពីជើងទៅត្បូង លុះដល់ចំណុចកើតហេតុខាងលើបាននៅខាងស្ដាំដៃជ្រុលទៅបុកបង្គោលសំយ៉ាបផ្ទះជាពលរដ្ឋមួយកន្លែង បាក់ដាច់អស់៣ បង្គោលខូចខាតស្ទើទាំងស្រុង ហើយរថយន្តបង្កមិនទាន់អស់ល្បឿនបានរេចង្កូតឆ្លងផ្លូវម្ខាងទៀតទៅខាងឆ្វេងដៃ ទៅបុកដើមក្ងោកនិងរបងផ្ទះពលរដ្ឋមួយកន្លែងទៀតបណ្តាលបាក់បែករាយប៉ាយនិងដើមក្ងោកបាក់ជាច្រើនកំណាត់ ឯរថយន្តខូចខាតផ្នែកខាងមុខយ៉ាងដំណំទៅមុខលែងរួច។

ក្រោយកើតហេតុម្ចាស់រថយន្តបានទុករថយន្តឲ្យសន្តិសុខមើលការខុសត្រូវមួយប់ចាំព្រឹកឡើងមកធ្វើការដោះស្រាយជាមួយភាគីម្ចាស់ផ្ទះដើម្បីបញ្ចប់រឿង៕

ដោយ៖សុខាសែនជ័យ