ខេត្តកណ្ដាល៖ ជនសង្ស័យ២នាក់ ធ្វើសកម្មភាពលួចម៉ូតូពលរដ្ឋមួយគ្រឿងនៅស្រុកកណ្ដាលស្ទឹង តែពុំបានសម្រេច ត្រូវសមត្ថកិច្ចស្រុកធ្វើការពួនស្ទាក់រហូតឃាត់ខ្លួនជនសង្ស័យបាន២នាក់ កាលពីវេលាម៉ោង១២និង២០នាទី ថ្ងៃទី៥ ខែសីហា ឆ្នាំ២០២១.ស្ថិតក្នុងភូមិរុន ឃុំរកា ស្រុកកណ្ដាលស្ទឹង ខេត្តកណ្ដាល ។
មន្ត្រីនគរបាលស្រុកកណ្ដាលស្ទឹងបានឲ្យដឹងថា ជនរងគ្រោះឈ្មោះ អ៊ុន សុខចាន់ ភេទប្រុស មានទីលំនៅភូមិរុន ឃុំរការ ស្រុកកណ្តាលស្ទឹង ខេត្តកណ្ដាល មុខរបរ កសិករ។ ចំណែកជនសង្ស័យ០២នាក់ ទី១-ឈ្មោះ ឃត ពេជ្រ ភេទប្រុស អាយុ២៦ឆ្នាំ មានទីលំនៅភូមិត្រពាំងគល់ ឃុំចំប៉ា ស្រុកត្រាំកក់ ខេត្តតាកែវ មុខរបរ មិនពិតប្រាកដ និងទី២-ឈ្មោះ ម៉ន ម៉េងហ៊ួ ភេទប្រុស អាយុ១៧ឆ្នាំ មានទីលំនៅភូមិភូមិ៣ ឃុំកងតាណឹង ស្រុក កងមាស ខេត្តកំពង់ចាម។ បច្ចុប្បន្នជនសង្ស័យទាំង២នាក់ស្នាក់នៅផ្ទះជួលភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ។ ចំណែកវត្ថុតាងចាប់យក ៖ ម៉ូតូចំនួន០២គ្រឿង៖,ម៉ូតូម៉ាក Honda c125ពណ៌ ខ្មៅស៊េរីឆ្នាំ២០១៧ពាក់ស្លាកលេខ តាកែវ 1G 7001(របស់ជនរងគ្រោះ),ម៉ូតូម៉ាក Honda c125ពណ៌ ខ្មៅស៊េរីឆ្នាំ២០១៦ ឡេីងស៊េរីឆ្នាំ ២០២១ ពាក់ ស្លាកលេខ ភ្នំពេញ 1GJ 3387។
ប្រភពដដែលបន្តថា នៅថ្ងៃទីខែឆ្នាំកេីតហេតុខាងលេី ជនរងគ្រោះបានប្រេីកូនប្រុសរបស់ខ្លួនឈ្មោះ អាត សំណាង អាយុ១១ឆ្នាំ និងក្មួយប្រុសរបស់ខ្លួនឈ្មោះ កុយ សុផានិត អាយុ០៤ឆ្នាំអោយទៅទិញ បាកាស ស្ទីង នៅផ្ទះលក់ចាប់ហួយរបស់ឈ្មោះ សុខ ស្ថិតនៅក្នុងភូមិឃុំកេីតហេតុខាងលេី ដេីម្បីយកមកហូបក្រោយពេលបាយ.ដោយជិះម៉ូតូមួយគ្រឿងម៉ាកHonda C125 ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ តាកែវ1G 7001 លុះជិះទៅដល់កន្លែងកេីតហេតុ កូន និង ក្មួយជនរងគ្រោះបានចុះពីលើម៉ូតូរួចពន្លត់ម៉ាស៊ីនម៉ូតូ តែពុំបានដកសោរចេញពីម៉ូតូទេរួចដេីរចូលទៅក្នុងបាត់ប្រហែល០៥នាទីស្រាប់តែមានជនសង្ស័យចំនួន០២នាក់បានធ្វេីសកម្មភាពលួចយកម៉ូតូរបស់ជនរងគ្រោះជិះគេចខ្លួនតាមផ្លូវលេខ៣៤មកទិសខាងកេីត ឃេីញដូចនោះប្រជាពលរដ្ឋបានស្រែកចោរៗ និងបានដេញតាមពីក្រោយ ភ្លាមនោះកំម្លាំងប្រជាការពារ និងកម្លាំងប៉ុស្តិ៍នគរបាលរដ្ឋឃុំ រការធ្វើការពួនស្ទាក់ រហូតដល់ចំណុចឃុំដេីមឬសជនសង្ស័យបានផ្តួលម៉ូតូរត់គេចខ្លួនហែលទឹកឆ្លងស្ទឹងព្រែកត្នោត តែត្រូវកម្លាំងប្រជាការពារនិងកម្លាំងប៉ុស្តិ៍នគរបាលរដ្ឋឃុំដេីមឬសឃាត់ខ្លួនជនសង្ស័យបានម្នាក់ ឈ្មោះ ឃត ពេជ្រ រួមទាំងវត្ថុតាងបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីសាកសួរ លុះដល់ម៉ោង១៩និង១០ កម្លាំងប្រជាការពារនិងកម្លាំងប៉ុស្តិ៍នគរបាលរដ្ឋឃុំដេីមឬស ល្បាតរុករកបានឃេីញជនសង្ស័យដេីរចេញពីមាត់ស្ទឹងក៏ ឃាត់ខ្លួនជនសង្ស័យម្នាក់ទៀតឈ្មោះ ហ៊ត ម៉េងហ៊ួ បញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដេីម្បីកសាងសំនុំរឿងតាមនីតិវិធី៕
ដោយ៖ ស្អាងជ័យ
