នៅថ្ងៃទី ៨ខែសីហា ក្រុមតាលីបង់បានវាយប្រហារដណ្តើមគ្រប់គ្រងទីក្រុង Kunduz ស្ថិតនៅភាគខាងជើងប្រទេស អាហ្វហ្គានីស្ថាន។ នេះជាទីក្រុងធំដែលក្រុមតាលីបង់ដណ្តើមបានការគ្រប់គ្រង់ ចាប់តាំងពីក្រុមនេះបើកការវាយប្រហារ ដណ្តើមទីតាំងគ្រប់គ្រងតាំងពីខែឧសភាមក។
សារព័ត៌មាន The New York Time បានផ្សាយថា ការដែលក្រុមតាលីបង់ដណ្តើមបានសិទ្ធិគ្រប់គញរងទីក្រុង Kunduz គឺជាជោគជ័យមួយយ៉ាងធំធេងរបស់ក្រុមនេះ។ ទីក្រុងនេះមានពលរដ្ឋរស់នៅ ជិត ៤សែននាក់ ដែលជាតំបន់ពាណិជ្ជកម្ម ដ៏សំខាន់របស់ក្រុមតាលីបង់ នៅជាប់ព្រំដែន TaJikistan ។ កាលពីពីរថ្ងៃទមុន ក្រុមតាលីបង់ក៏ដណ្តើមបានការគ្រប់គ្រង តំបន់ heberghan ខេត្ត Jowzjan និងតំបន់ Zarani ខេត្ត Nimruz ។
នៅថ្ងៃនេះដែរ អាមេរិក បានបញ្ជូន
យន្តហោះទម្លាក់គ្រាប់បែក B-52 រួមជាមួយយន្តហោះបំពាក់កាំភ្លើងយន្ត AC-130 Spectre មួយចំនួន ត្រូវបានចល័តទៅកាន់ប្រទេសអាហ្វហ្គានីស្ថាន ដើម្បីវាយប្រហារលើទីតាំងរបស់ក្រុមតាលីបង់ ដែលកំពុងព្យាយាមដណ្តើមកាន់កាប់ទីក្រុងសំខាន់ៗ នៅផ្នែកខុសៗគ្នានៃប្រទេសមជ្ឈិមបូព៌ាមួយនេះ។
ការបញ្ជូនក្រុមយន្តហោះយោធាអាមេរិកខាងលើ ត្រូវបានធ្វើឡើង ចំពេលស្ថានការណ៍កាន់តែតានតឹងខ្លាំងឡើង នៅអាហ្វហ្គានីស្ថាន ខណៈក្រុមតាលីបង់បន្តដណ្តើមគ្រប់គ្រងបានដែនដី នៅពាសពេញប្រទេសនេះ ស្របពេលដែលកងទ័ពអាមេរិក ត្រូវដកចេញទៅវិញ។ ក្នុងរយៈពេលត្រឹមប៉ុន្មានថ្ងៃចុងក្រោយនេះ ទីក្រុងសំខាន់ៗចំនួនពីរ គឺទីក្រុងសេបឺហ្គាន (Sheberghan) នៃខេត្តចាហ្សាន (Jawzjan) ភាគខាងជើង និងទីក្រុងហ្សារ៉ាន (Zaranj) នៃខេត្តនីមរ៉ូហ្ស (Nimroz) នៅភាគនិរតី បានធ្លាក់ទៅក្នុងកណ្តាប់ដៃរបស់ក្រុមតាលីបង់៕ដោយ៖ធីរីណា
រូបថត៖NY times.
រូបថត៖Getty Image.
