មន្ដ្រីជាន់ខ្ពស់ក្រសួងការពារជាតិ ឥណ្ឌាបានឱ្យដឹងថា រដ្ឋាភិបាលឥណ្ឌានឹង ទិញយន្ដហោះចម្បាំងពីប្រទេសបារាំង ចំនួន៣៦គ្រឿងដើម្បីពង្រឹងការការពារ ដែនអធិបតេយ្យរបស់ខ្លួន។ លោក Ma- nohar Parrikar រដ្ឋមន្ដ្រីការពារជាតិ ឥណ្ឌាបានថ្លែងថា តាមគម្រោងរដ្ឋា ភិបាលមុនគឺទិញយន្ដហោះចម្បាំងចំនួន១២៦គ្រឿងពីក្រុមហ៊ុនបារាំងDassault ។ ប៉ុន្ដែដោយអាស្រ័យថា គម្រោងទាំង នេះមានតម្លៃថ្លៃពេករដ្ឋាភិបាលបច្ចុប្បន្នសម្រេចទិញតែយន្ដហោះចម្បាំងប្រភេទ Fafale ចំនួន៣៦គ្រឿងវិញ ។
ក្នុងអំឡុងពេលធ្វើទស្សនកិច្ចទៅកាន់ ប្រទេសបារាំងកាលពីពេលកន្លងមកនាយករដ្ឋមន្ដ្រីឥណ្ឌាលោក ណារ៉េនដ្រា ម៉ូឌី បានចុះហត្ថលេខាលើកិច្ចព្រមព្រៀងទិញយន្ដហោះចម្បាំង៣៦គ្រឿងដែលមានតម្លៃ ប្រមាណ៥.៥ពាន់លានដុល្លារ។ គម្រោង នេះប្រើរយៈពេលពិភាក្សារយៈពេលវែងទើបសម្រេចបាន ។
ប៉ុន្ដែទោះបីយ៉ាងណាកិច្ចព្រមព្រៀង ទិញយន្ដហោះចម្បាំងនេះមានតិចតួច ជាងកិច្ចព្រមព្រៀងធ្វើឡើងដោយរដ្ឋា ភិបាលមុនដែលមានរហូតដល់១២៦ គ្រឿង។ រដ្ឋសភាឥណ្ឌាបានសម្រេចអនុ ញ្ញាតឱ្យទិញតែ៣៦គ្រឿងប៉ុណ្ណោះ ។
លោក Parrikar បានបញ្ជាក់ពីការ បន្ថយទិញសព្វាវុធពីបរទេសជាពិសេស យន្ដហោះចម្បាំងនេះតែម្ដង ដោយលោក បានបញ្ជាក់ថា គម្រោងទិញយន្ដហោះ ចម្បាំងច្រើនគ្រឿងនោះធ្វើឱ្យថវិកាការពារជាតិកាន់តែរួញតូចថយមកនៅតិច។ លោកបានបន្ដថ្លែងជាមួយទីភ្នាក់ងារ ព័ត៌មាន PTI តាមរបៀបកំប្លែងទៀតថា “ខ្ញុំមានអារម្មណ៍ចង់បានរថយន្ដប្រភេទ BMW និង Mercedes ដែរ ។ ប៉ុន្ដែខ្ញុំ មិនអាចដោយសារតែខ្ញុំគ្មានលទ្ធភាព។ ទីមួយខ្ញុំមិនអាចបានវា ប៉ុន្ដែទីពីរខ្ញុំមិន ចង់បានវា” ។
លោកបញ្ជាក់ថា គណៈកម្មការពាក់ ព័ន្ធនឹងធ្វើការតាមគម្រោងទិញយន្ដ ហោះចម្បាំងតែ៣៦គ្រឿងនេះឱ្យចប់ សព្វគ្រប់ក្នុងរយៈពេលមិនលើសពី២ឬ បីខែទៀតនោះទេ ។
ប្រទេសឥណ្ឌានៅក្នុងរយៈពេលប៉ុន្មានឆ្នាំចុងក្រោយនេះបានពង្រឹងលើវិស័យការ ពារជាតិដោយទិញគ្រឿងសព្វាវុធទំនើបៗ មានតម្លៃរាប់រយពាន់លានដុល្លារដើម្បី ប្រកួតប្រជែងជាមួយគូជម្លោះប្រទេស ជិតខាងគឺចិន និងប៉ាគីស្ថាន ។
ចាប់តាំងពីឡើងកាន់អំណាចបាន រយៈពេល១ឆ្នាំកន្លងមក រដ្ឋាភិបាលឥណ្ឌា ក្រោមការដឹកនាំរបស់លោកណារ៉េនដ្រា ម៉ូឌី បានស្វះស្វែងរកកិច្ចព្រមព្រៀងឱ្យ មានការទិញសព្វាវុធទំនើបៗដើម្បីពង្រឹង វិស័យការពារជាតិដែលគម្រោងទាំង នេះបានជាប់គាំងតាំងពីរដ្ឋាភិបាលមុនៗ មកម្ល៉េះ ៕
ប្រែសម្រួល៖ ម៉ែវ សាធី
