ខេត្តតាកែវ៖ បុរសជាមេជាងម្នាក់ត្រូវកូនជាងកាប់៤ពូថៅបណ្តាលឲ្យស្លាប់ក្នុងថ្លុកឈាមកាលពីព្រឹកថ្ងៃទី២៦ ខែមីនា ឆ្នាំ២០១៦ នៅក្នុងភូមិត្រពាំងពងទឹក ឃុំសោម ស្រុកគិរីវង់ ខេត្តតាកែវ ។ ករណីនេះដោយសារតែជនសង្ស័យខឹងជនរងគ្រោះនាំទៅលេងស្រី កើតមេរោគអេដស៍ ហើយបើកលុយឲ្យមិនគ្រប់ផងដែរ ។
ប្រភពពីសមត្ថកិច្ចបានបញ្ជាក់ថា អំពើឃាតកម្មនេះ កើតឡើងនៅម៉ោង ៧និង៣៥នាទីព្រឹកថ្ងៃទី ២៦ ខែមីនា ដោយសង្ស័យត្រូវបានឃាត់ខ្លួន នៅកន្លែងកើតហេតុ ឈ្មោះ ណន វន្នី ហៅ ពូក ភេទប្រុស អាយុ៣៦ឆ្នាំ មានរស់នៅ ភូមិព្រៃផ្អេ ឃុំរនាម ស្រុកទ្រាំង មុខរបរធ្វើកម្មករសំណង។ ចំណែកជនរងគ្រោះ ឈ្មោះ អំ រា់់ ភេទប្រុស អាយុ២៧ឆ្នាំ នៅភូមិ គោកឃ្មោង ឃុំរនាម ស្រុកទ្រាំង មុខរបរជា មេជាងសំណង់ ត្រូវបានជនល្មើសកាប់៤ពូថៅ ក្រោមបំពង់កខាងស្តាំ បណ្តាលឲ្យស្លាប់នៅនឹងកន្លែង ៕
