ភ្នំពេញ៖ បើយោងតាមការបង្ហោះហ្វេសប៊ុកផ្លូវការរបស់មន្រ្តីសាខា ក.ប.ប. នៅថ្ងៃសុក្រទី២០ ខែសីហា ឆ្នាំ២០២១នេះ បានឱ្យដឹងថាមន្រ្តីសាខា ក.ប.ប. រាជធានីភ្នំពេញ និងខេត្តតាកែវ កាលពីថ្ងៃទី១៩ ខែសីហា ឆ្នាំ២០២១ម្សិលមិញនេះ នៅតែបន្តរកឃើញដេប៉ូប្រេងឥន្ធនៈចំនួន ០៦ បន្ថែមទៀត ដែលប្រកបអាជីវកម្មមិនសុចរិត ពាក់ព័ន្ធនឹងប្រេងឥន្ធន: ដែលកំណត់ដោយច្បាប់ស្ដីពីកិច្ចការពារអ្នកប្រេីប្រាស់។
ដោយឡែកនៅថ្ងៃដដែលនោះ មន្ត្រី ក.ប.ប. ប្រចាំសាខាខេត្តបន្ទាយមានជ័យបានកំពុងចុះប្រតិបត្តិការឃ្លាំពិនិត្យទីផ្សារក៏ប្រទះឃេីញសកម្មភាពឈ្មួញកំពុងតែជញ្ជូនទំនិញចេញពីមធ្យោបាយដឹកជញ្ជូនរបស់ខ្លួន។
គួរជម្រាបថា ដោយមានការសង្ស័យ មន្ត្រីជំនាញក៏បានធ្វេីការត្រួតពិនិត្យ និងយកគំរូអាល់កុលមួយចំនួនមកវិភាគនៅមន្ទីរពិសោធន៍ខ្នាតតូច។
គួរបញ្ជាក់ថា ក្រោយប្រតិបត្តការចប់តាមលទ្ធផលនៃការវិភាគបានបង្ហាញថាអាល់កុលនោះគឺជាអាល់កុលក្លែងក្លាយ (មេតាណុល) បន្ទាប់មកមន្ត្រីជំនាញក៏បានដកហូតយកអាល់កុលចំនួន៩៦០លីត្រមករក្សាទុកដេីម្បីដោះស្រាយទៅតាមនីតិវិធី៕
ដោយ៖សហការី
