ភ្នំពេញ៖ ធ្វើឲ្យអ្នកគាំទ្រជាច្រើនកោតសរសើរមិនដាច់ពីមាត់ទំពីដំណឹងភ្ជាប់ពាក្យរវាងតារាចម្រៀងប្រចាំផលិតកម្មសាន់ដេកញ្ញា វីរៈ និច្ច និងកំលោះសង្ហាម្នាក់មិនទាន់នឹងស្ងាត់ផង ។ ស្រាប់តែពេលនេះនាងបានបង្ហាញរូបភាពកាន់តែច្បាស់ពីថ្ងៃមង្គលការកាន់តែខិតកៀកមកដល់ និងធ្វើឲ្យទស្សនិកជនលួចច្រណែននឹងជីវិតគូររបស់តារាស្រីរូបនេះ ក្រោយពីបានឃើញរូបថតPee- Wedding ដ៏ស្រស់ស្អាត។
វីរៈ និច្ចបានក្លាយជាតារាចម្រៀងស្រីវ័យក្មេងដែលសម្រេចចិត្តទទួលយកគូស្នេហ៍ បើធៀបនឹងតារាចម្រៀងរួមដំបូល និងតារាចម្រៀងដទៃទៀត ។ ខណៈដែលតារាចម្រៀងខ្លះវ័យច្រើនជាង៣០ឆ្នាំហើយក៏ដោយក៏មិនដែលលឺដំណឹងសូម្បីតែមានសង្សា និងភ្ជាប់ពាក្យ ឬចូលរោងការនោះ។ ប៉ុន្តែក្មួយស្រីតារាចម្រៀងខាត់ ជេមរូបនេះបានធ្វើឲ្យទស្សនិកភ្ញាក់ផ្អើលមិនតិចដែរក្រោយពីចំណងស្នេហារបស់នាងបង្ហាញពីភាពច្បាស់លាស់ និងទទួលបានការដឹងលឺពីចាស់ទុំទាំងសងខាងតាមរយៈពិធីភ្ជាប់ពាក្យសាមញ្ញមួយកាលពីដើមខែសីហាព្រោះតែស្ថិតក្នុងបរិបទនៃជំងឺកូវីដ១៩។ កាន់តែធ្វើឲ្យទស្សនិកជនពេញចិត្តគឺក្រោយពីនាង និងគូដណ្តឹងបានបង្ហាញរូបថតផ្អែមល្ហែមក្នុងដំណើរកម្សាន្តរួមគ្នា ហើយពេលនេះពួកគេក៏បានបញ្ចេញរូបថតPre Wedding ដ៏ស្រស់ស្អាត រហូតអ្នកគាំទ្រចង់ឃើញពួកគេចូលរោងការឆាប់ៗផងដែរ។
សង្សារបស់នាងមិនត្រឹមតែមានរូបរាងសង្ហា ទេសូម្បីតែមុខជំនួញក៏កំលោះសង្ហា ឈ្មោះខៀវពេជ្រ រូបនេះមាននៅក្នុងដៃដែរ ដែលគេដឹងថា លោកមានអាហាដ្ឋានមួយយីហោ Angkor Beach Bar នៅលើទឹកដីនៃខេត្តព្រះសីហុផងដែរ ។ ប៉ុន្តែសម្រាប់ដំណឹងនៃការចូលរោងការតារាស្រីរូបនេះនៅមិនទាន់បង្ហើបនៅឡើយនោះទេ។ Top Star សូមជូនពរ ឲ្យវីរៈ និច្ច និងគូដណ្តឹងមានក្តីសុខ សុភមង្គលក្នុងជីវិតគូតរៀងទៅ៕

ដោយ៖ វឌ្ឍនា