ខេត្តសៀមរាប ៖ មានករណីអគ្គិភ័យបង្កឡើងដោយរថយន្តចំណុះ៣តោន បើកបរពីទិសខាងលិចមកទិសខាង កើតលើផ្លូវជាតិលេខ៦ដល់ចំណុចភូមិទួលរវៀង ឃុំល្វា ស្រុកពួកខេត្តសៀមរាប បានក្រឡាប់ឆេះនៅព្រឹកថ្ងៃអាទិត្យ ទី២២ ខែសីហា ឆ្នាំ២០២១ វេលា០៥និង៣០នាទី ។
បើយោងតាមលោកវរសេនីយ៍ឯកឌុត ខុន ស្នងការរងទទួលការិយាល័យបង្ការពន្លត់អគ្គីភ័យនិងសង្រោះ បានបញ្ជាក់អោយដឹងថា, :មូលហេតុនៃការឆេះនេះ បណ្តាលមកពីអ្នកបើកបរងងុយដេក ទេីបបណ្ដាលឱ្យរថយន្ដបើកខុសផ្លូវហើយបុកគល់ឈេីបណ្ដាលឱ្យផ្ទុះឆេះរថយន្ត ភ្លើងយ៉ាងសន្ធោសន្ធៅតែម្តង ។
ក្នុងប្រតិបត្តិការពន្លត់អគ្គិភ័យនេះ សមត្ថកិច្ចបានប្រេីប្រាស់រថយន្តពន្លត់អគ្គីភ័យរបស់អធិការដ្ឋានស្រុកពួកប្រើប្រាស់ទឹកអស់ចំនួន ០១ឡាន ទេីបភ្លេីងរលត់ទៅវិញនៅវេលាម៉ោង ០៦ និង១៥នាទី ថ្ងៃខែឆ្នាំដដែល តែមិនមានប៉ះពាល់ដល់អាយុជីវិតប្រជាពលរដ្ឋទេ ។
ពិតជាសំណាងល្អផងដែរ ដែលករណីគ្រោះថ្នាក់ចរាចរណ៍ក្រឡាប់រថយន្តនេះ ឆ្ងាយពីលំនៅដ្ឋានរបស់ប្រជាពលរដ្ឋ ប្រសិនបើក្រឡាប់នៅកន្លែងដែលប្រជាពលរដ្ឋរស់នៅជួបជុំគ្នាច្រើនឬទីប្រជុំជន អាចបណ្ដាលឱ្យមានគ្រោះថ្នាក់ដ៏ច្រើនកើតឡើងរាលដាល៕
ដោយ, សិលា
