ខេត្តកណ្តាល៖​ នៅព្រឹកថ្ងៃទី២៨ ខែមីនា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញសម្ពោធបើកការដ្ឋានសាងសង់ឡើងវិញនូវផ្លូវជាតិលេខ២១ (តាខ្មៅ-ជ្រៃធំ). ខេត្តកណ្តាល។

គម្រោងនៃការកសាងស្ថាបនាឡើងវិញនូវផ្លូវជាតិលេខ២១ នេះ គឺជាកម្ចីសម្បទានពីសាធារណរដ្ឋកូរ៉េ ហើយគំរោងសាងសង់នេះផ្លូវនេះ មានប្រវែង៥៥គីឡូម៉ែត្រ និងស្ពានចំនួន៤២ស្ពាន ដែលត្រូវចំណាយរយៈពេលសាងសង់ ៣៦ខែ ក្រោមការត្រួតពិនិត្យបច្ចេកទេសពីក្រុមហ៊ុន Dasan និងសាងសង់ដោយក្រុមហ៊ុន Hanshin របស់កូរ៉េ

កម្មវិធីនឹងត្រូវចាប់ផ្តើមនៅម៉ោង ៨ៈ០០ព្រឹក នៅការដ្ឋាន តាខ្មៅ -ជ្រៃធំ ខេត្តកណ្តាល៕

ដោយ៖​ សុវណ្ណារ៉ា